करमाळा (Attack On Mahesh Chivte): करमाळ्यातून एक मोठी बातमी समोर आली आहे. उपमुख्यमंत्री एकनाथ शिंदेंचे (Eknath Shinde) स्वीय सहाय्यक मंगेश चिवटे (Mangesh Chivte) यांचे बंधू शिवसेना जिल्हाप्रमुख महेश चिवटे यांच्यावर प्राणघातक हल्ला केल्याची घटना घडली आहे. ही घटना आज सकाळी घडली. त्यांच्यावर करमाळा उपजिल्हा रुग्णालयात उपचार सुरु असल्याची माहिती मिळत आहे.
महेश चिवटे यांचा गंभीर आरोप (Attack On Mahesh Chivte)
दरम्यान, हा हल्ला दिग्विजय बागल आणि रश्मी बागल (Digvijay Bagal and Rashmi Bagal) यांनी सुपारी देऊन घडवून आणला आहे. असा गंभीर आरोप महेश चिवटे (mahesh Chivte) यांनी केला आहे. दिग्विजय बागल यांनी एकनाथ शिंदे गटाकडून विधानसभा निवडणुक लढवली होती. तसेच त्यांची बहिन रश्मी बागल-कोलते या भाजपच्या महिला आघाडी प्रमुख आहेत. या आरोपांवरून महेश चिवटे यांच्या आरोपामुळे सोलापूर जिल्ह्यातील शिंदेंच्या शिवसेनेत आलबेल नसल्याचे दिसून येत आहे.
दरम्यान, हल्ला झाल्यानंतर पोलीस निरीक्षक रणजीत माने हे घटनास्थळी दाखल झाले. घटनेचा अधिक तपास पोलीस करत आहेत.
