पाचगणी (सातारा) : रक्तदान हे सगळ्यात श्रेष्ठदान समजले जाते. रक्तदानामुळे लाखों लोकांना जीवनदान मिळते, त्यामुळे रक्तदान हे जीवनदान असे मानत पाचगणीकरांनी आयोजित केलेल्या रक्तदान शिबिरास नागरिकांनी चांगला प्रतिसाद दिला.
पांचगणी बेबी पॉंईट येथील द पाचगणी क्लबच्या सभागृहात युवा कार्यकर्त्यांनी बालाजी ब्लड बँकेच्या सहकार्याने या रक्तदान शिबिराचे आयोजन केले होते. या रक्तदान शिबिराचे उद्घाटन मॅप्रो फॅक्टरीचे चेअरमन मयूर व्होरा यांच्या हस्ते झाले. या वेळी पाचगणी रोटरी क्लबचे अध्यक्ष स्वप्नील परदेशी, प्रसाद कारंजकर, प्रमोद कासुर्डे, गणेश प्रभाळे, यतीन गोळे, बालाजी ब्लड बँक साताराचे अमोल जाधव आदी मान्यवर उपस्थित होते. या शिबिरात 54 रक्तदात्यानी रक्तदान केले.
