शिक्रापूर : जमिनीच्या वादातून एका युवकाच्या हातावर विळ्याने मारहाण केली. ही घटना गोलेगाव (ता. शिरुर) येथे घडली. याबाबत रुत्वीज भगतसिंग वाखारे (वय ३४ रा. गोलेगाव ता. शिरुर जि. पुणे) यांनी शिरुर पोलीस ठाण्यात फिर्याद दिली. त्यानुसार पोलिसांनी अंगद सदाशिव वाखारे, ताराबाई सदाशिव वाखारे व अमोल सदाशिव वाखारे (तिघे रा. गोलेगाव ता. शिरुर जि. पुणे) यांच्या विरुद्ध गुन्हा दाखल केला आहे.
रुत्वीज वाखारे व वसंत वाखारे हे शेतात मशागत करत असताना अंगद वाखारे, अमोल वाखारे व ताराबाई वाखारे हे हातात विळा घेऊन तिथे आले. त्यांनी वसंत वाखारे यांच्याशी ट्रक्टर शेतात का घातला, असे म्हणून त्यांच्याशी वाद घालायला सुरु केले. त्यावेळी अंगद विळा घेऊन मारण्यासाठी त्यांच्या अंगावर धावून गेला. यावेळी रुत्वीज याने चुलते वसंत यांना वाचवण्यासाठी मध्ये हात घातला असता रुत्वीजच्या हाताला विळा लागला. त्यावेळी रुत्वीजची पत्नी मध्ये आली असताना अंगद वाखारे याने त्यांना ढकलून देत शिवीगाळ, दमदाटी करत शेतात कसे येता ? तुमचा काटाच काढतो अशी धमकी दिली. पुढील तपास पोलीस निरीक्षक जोतीराम गुंजवटे यांच्या मार्गदर्शनाखाली पोलीस नाईक विशाल कोथळकर हे करत आहेत.
