Nagpur Accident : नागपूर जिल्ह्यातून एक धक्कादायक घटना समोर येत आहे. जिल्ह्यातील काटोलमध्ये क्वालीस आणि ट्रकचा भीषण अपघात झाला आहे. या अपघातात सहा जणांचा जागीच मृत्यू झाला आहे, तर एकजण गंभीर जखमी झाल्याची प्राथमिक माहिती आहे. सोनखांब आणि ताराबोडी दरम्यान काल मध्यरात्री ही घटना घडली.
मिळालेल्या अधिक माहितीनुसार, नागपुरात एका लग्नाचा कार्यक्रम आटपून हे सर्वजण काटोलच्या दिशेनं जात असताना ट्रकनं गाडीला जोरदार धडक दिली आणि भीषण अपघात झाला. या अपघातात सहा जणांचा जागीच मृत्यू झाला असून एकजण गंभीर जखमी आहे.
दरम्यान, जखमीला नागपुरातील शासकीय वैद्यकीय रुग्णालयात ट्रॉमा सेंटरमध्ये दाखल करण्यात आलं आहे.
