नागपूर: नागपूर मधून हिंसाचार प्रकरणाशी निगडित एक अपडेट समोर आली आहे. हिंसाचारात मृत्यू पावलेल्या इरफान अन्सारी प्रकरणात नागपूर पोलीसांनी चार आरोपींना अटक केली आहे. या पैकी दोन आरोपी अल्पवयीन असल्याची माहिती पोलीस उप आयुक्त महक स्वामी यांनी दिली आहे.
अधिक माहिती अशी की, मृत इरफान अन्सारी हा हिंसाचारात सहभागी झाला होता की नाही याचा पोलीस शोध घेत आहेत. असे पोलीस उप आयुक्त महक स्वामी यांनी सांगितले. इरफान अन्सारी हा सोमवारच्या रात्रीला इटारसीला जाण्यासाठी नागपूर रेल्वे स्थानकाकडे चालला होता. यावेळी तेथील गीतांजली चौकात दंगलीमध्ये तो जखमी झाला होता. जखमी अवस्थेत पोलिसांनी त्याला रुग्णालयात नेले.
मात्र काल उपचारादरम्यान त्याचा मृत्यू झाला. आता या प्रकरणात नागपूर पोलीसांनी चार आरोपींना अटक केली आहे.
