नागपूर : राज्य राखीव पोलीस दल ग्रुप नं. ४ च्या ड्रिल इन्स्पेक्टरने स्वत:वर गोळी झाडून आत्महत्या केल्याची धक्कादायक घटना घडली आहे. हि घटना सुराबर्डी येथील अपारंपरिक प्रशिक्षण केंद्रात शनिवारी सायंकाळी ५ वाजताच्या सुमारास उघडकीस आली आहे.
मंगेश मस्की (३५, रा. युओटीसी क्वार्टर, सुराबर्डी) असे आत्महत्या केलेल्या पोलीस अधिकाऱ्याचे नाव आहे. मंगेश मस्की हे सुराबर्डी येथील युओटीसी केंद्रात ड्रील इन्स्पॅक्टर म्हणून कार्यरत होते. त्याच्या कुटुंबात पत्नी आणि दोन मुले असून त्यांची पत्नीही वाडी पोलिस ठाण्यात कार्यरत आहे.
दरम्यान, मंगेश मस्की यांनी शनिवारी आपल्याजवळ असलेली एसएलआर मानेखाली ठेऊन एक राऊंड फायर केला. यात एसएलआरमधील गोळी त्याच्या डोक्यातून आरपार निघून त्याचा जागीच मृत्यू झाला. मंगेश मस्की यांना दारुचे व्यसन असल्याची माहिती मिळत आहे. मात्र त्यांनी आत्महत्या का केली ? याचे नेमके कारण समजू शकले नाही. पुढील तपास वाडी पोलिस करीत आहेत.
View this post on Instagram
;
