पुणे : येरवडा कारागृहात खुनाच्या गुन्ह्यात शिक्षा भोगत असलेल्या २७ वर्षीय आरोपीने वडाच्या झाडाला दोरीच्या सहाय्याने फाशी घेऊन आत्महत्या केल्याची घटना नुकतीच घडली आहे. त्यामुळे येरवडा कारागृहात एकच खळबळ उडाली आहे. हि घटना गुरुवारी (ता. ०८) दुपारी उघडकीस आली आहे.
सचिन मधुकर नरवडे (वय – २७, रा. शिरूर) असे आत्महत्या केलेल्या आरोपीचे नाव आहे.
येरवडा कारागृह अधीक्षक राणी भोसले यांनी दिलेल्या माहितीनुसार, मयत सचिन नरवडे याने पत्नीचा खून केला होता. त्या गुन्हया प्रकरणी येरवडा कारागृहात ठेवण्यात आले होते. मागील काही दिवसापासून नरवडे हा नैराश्यात होता. त्यामुळे कोणत्याही कैद्यासोबत बोलत नसायचा, त्या संदर्भात त्याच्यावर उपचार देखील सुरू होते.
दरम्यान, गुरुवारी दुपारच्या सुमारास कारागृहातील वडाच्या झाडाला गळफास घेतला. ही बाब तेथील कैदी आणि पोलिसांच्या लक्षात येताच, तेथील डॉक्टरांनी तपासणी केली असता, डॉक्टरांनी उपचारापूर्वीच मृत घोषित केले.
