धुळे : राज्यातील अपघात थांबता थांबत नाही आहेत. अशातच आता धुळ्यातून एका भीषण अपघाताची बातमी समोर आली आहे. ट्रॅक्टर आणि दुचाकीमध्ये झालेल्या भीषण अपघातात दोघांचा मृत्यू झाला आहे. तर एक जखमी झाल्याची माहिती मिळत आहे.
मिळालेल्या माहितीनुसार, धुळे तालुक्यातील चित्तोड गावानजीक दुचाकी व ट्रॅक्टरचा अपघात झाल्याची घटना घडली आहे. यामध्ये ट्रॅक्टर चालकाने दुचाकीवरील दोघांना चिरडल्याचे समोर आले आहे. हा अपघात इतका भीषण होता कि या अपघातात दुचाकी वरील दोघेजण जागीच मृत्यू पावले तर एक जण जखमी झाला आहे. या अपघाताची माहिती मिळताच स्थानिकांनी, तसेच तालुका पोलिसांनी घटनास्थळी धाव घेत जखमींना मदत केली. जखमीला शासकीय रुग्णालयामध्ये उपचारासाठी दाखल करण्यात आले आहे. तसेच तालुका पोलीस ठाण्यात या घटनेची नोंद करण्याची प्रक्रिया सुरु आहे.
