जळगाव : स्मिता वाघ यांच्या उमेदवारीवर तसेच खासदार उन्मेष पाटील यांच्या कापण्यात आलेल्या तिकिटावर भाजप आमदार मंगेश चव्हाण यांनी प्रतिक्रिया दिली आहे. पक्षाने स्मिता वाघ यांना तिकीट देण्याचा निर्णय घेतला त्यांच्याविषयी खूप मोठी सहानुभूती होती आणि आहे. उन्मेष पाटील यांनीदेखील स्मिता वाघ यांना शुभेच्छा दिल्या आहेत. ते देखील पक्षाचे प्रामाणिकपणे काम करणार आहेत. आम्ही सर्वांनी ठरवलं आहे की जिल्ह्यातून स्मिता वाघ यांना पाच लाखांचा लीड द्यायचा अशी प्रतिक्रिया आमदार मंगेश चव्हाण यांनी दिली.
