Eknath Khadse: मुंबई: माजी मंत्री व राष्ट्रवादी काँग्रेस पक्षाचे आमदार एकनाथ खडसे यांनीही त्यांच्या प्रकृतीबद्दल अपडेट देत नागरिकांना दिवाळीच्या शुभेच्छा दिल्या आहेत. चार दिवसांपूर्वी आमदार खडसे यांच्या छातीत दु:खत असल्याने त्यांना मुंबईतील बॉम्बे रुग्णालयात उपचारासाठी दाखल केल होते. आता, त्यांची प्रकृती उत्तम आणि ठणठणीत असून त्यांनी पेपर वाचतानाचा स्वत:चा फोटो ट्विटरवर शेअर केला आहे.
राष्ट्रवादी काँग्रेसचे आमदार एकनाथ खडसे यांना छातीत दुखत असल्याने चार दिवसांपूर्वी त्यांना जळगाव शहरातील एका खासगी रुग्णालयात दाखल करण्यात आले आहे. त्यानंतर रविवारी रात्री त्यांना एअर ॲम्ब्युलन्सद्वारे मुंबईला उपचारासाठी नेण्यात आले. मुंबईतील बॉम्बे हॉस्पिटलमध्ये आमदार खडसे यांच्या पुढील तपासण्या झाल्या. त्यापूर्वी मुक्ताईनगरला एकनाथ खडसेंच्या छातीत दुखू लागल्याने त्यांना गजानन हार्ट हॉस्पिटलमध्ये दाखल करण्यात आले होते. तिथे, त्यांच्या तपासण्या करण्यात येऊन त्यांची प्रकृती स्थिर असल्याची माहिती हॉस्पिटकडून देण्यात आली होती. आता, खडसे यांनी स्वत: प्रकृतीबद्दल अपडेट देत सर्वांना दिवाळीच्या शुभेच्छाही दिल्या आहेत.
एकनाथ खडसे यांचं ट्विट
मध्यंतरी मला हृदयविकाराचा त्रास झाला. मात्र आपण सर्वांनी दिलेल्या शुभेच्छांमुळे माझी तब्येत आता चांगली आहे. लवकरच मी पूर्णपणे बरा होऊन आपल्या सेवेत रुजू होईल. प्रसंग कोणताही असो, आपण माझ्या पाठीशी उभे राहतात. आपले हेच सदिच्छांचे पाठबळ मला अधिक जोमाने काम करण्यासाठी बळ देते. आपणा सर्वांचे मन:पूर्वक धन्यवाद ! महाराष्ट्रातील सर्व नागरिक बंधु-भगिनींना दिपोत्सवाच्या हार्दिक शुभेच्छा ! असे ट्विट एकनाथ खडसे यांनी केले आहे.
मध्यंतरी मला हृदयविकाराचा त्रास झाला. मात्र आपण सर्वांनी दिलेल्या शुभेच्छांमुळे माझी तब्येत आता चांगली आहे. लवकरच मी पूर्णपणे बरा होऊन आपल्या सेवेत रुजू होईल.
प्रसंग कोणताही असो, आपण माझ्या पाठीशी उभे राहतात. आपले हेच सदिच्छांचे पाठबळ मला अधिक जोमाने काम करण्यासाठी बळ देते. आपणा… pic.twitter.com/wVDfimWoJx
— Eknath Khadse (@EknathGKhadse) November 9, 2023
शरद पवारांनी घेतली भेट
दरम्यान, सोमवारी राष्ट्रवादी काँग्रसेचे अध्यक्ष खासदार शरद पवार यांनी रुग्णालयात जाऊन आमदार एकनाथ खडसेंच्या प्रकृतीची विचारपूस केली. त्यावेळी खडसे यांच्या पत्नी मंदिकीनी खडसे या देखील उपस्थित होत्या. पवार यांनी एकनाथ खडसेंसोबत संवाद साधला.
