नाशिक : राज्यात मराठा आंदोलक मनोज जरांगे पाटील आणि ओबीसी नेते छगन भुजबळ यांच्यात वाद पेटलेला असताना नाशिकमधून एक बातमी समोर येत आहे. राज्याचे अन्न व नागरी पुरवठा मंत्री छगन भुजबळ यांना पुन्हा एकदा जीवे मारण्याची धमकी मिळाली आहे. यावेळी अज्ञात व्यक्तीने थेट नाशिकच्या कार्यालयात पत्र पाठवून धमकी दिली आहे. भुजबळ यांना धमकी मिळाल्यानंतर पोलिसांनी सुरक्षा वाढवावी, अशी मागणी त्यांच्या कार्यकर्त्यांनी केली आहे.
मंत्री छगन भुजबळ यांना नाशिकमधील कार्यालयात पत्र पाठवून जीवे ठार मारण्याची सुपारी घेतली असल्याची माहिती देण्यात आली आहे. अज्ञात व्यक्तींकडून आपल्याला ठार मारले जाईल, असे संबंधित पत्रात म्हटले आहे.
