Mumbai News : मुंबई : पुण्यातील सिम्बायोसिसमध्ये शिकत असलेल्या आनंद राजू कुरापती याने अत्यंत गरीब परिस्थितीत अभ्यास करुन थेट कौन बनेगा करोडपतीच्या (KBC) हॉट सीटवर बसून त्याने साडे बारा लाख रुपये जिंकले आहे. त्याचा संघर्ष ऐकून KBC च्या सेटवर सगळेच भावूक झाले आहेत. तर बिग बी अमिताभ बच्चन यांनीदेखील त्याच्या संघर्षाला सॅल्यूट केला आहे.
बक्षिसाची रक्कम कुटुंबाला गरीबीतून बाहेर काढण्यासाठी उपयोगी ठरेल
मुळचा सोलापूरचा असलेला आनंद हा पुण्यातील सिम्बायोसिस येथे शिक्षण घेत आहे. आनंदचे वडिल हे पॅरालिसिसच्या आजाराने त्रस्त आहेत. त्यामुळे त्याची आई कुटुंबाच्या निर्वाहासाठी बिडी वळण्याचे काम करत असे. (Mumbai News ) आर्थिक टंचाईमुळे आनंदला लहानपणीच कुटुंबाची जबाबदारी घ्यावी लागली, शिवाय वडिलांची प्रकृती देखील ढासळत चालली होती. आनंदने शिवणकाम करून प्रतिमहिना ८ हजार रुपये याप्रमाणे कमवून उदरनिर्वाह केला. आनंदच्या बालपणीच्या हलाखीचे वर्णन ऐकून होस्ट अमिताभ बच्चन हेलावून गेले.
सिम्बायोसिस पुणे येथे शिकत असलेल्या आनंदला पुढे UPSC इंडियन इकॉनॉमिक सर्व्हिस / इंडियन स्टॅटिस्टिकल सर्व्हिस (UPSC IES / ISS) परीक्षा देऊन विविध सर्वेक्षणांमध्ये विशेष प्राविण्य मिळवून इंडियन स्टॅटिस्टिकल ऑफिसर बनण्याची इच्छा आहे. (Mumbai News ) आकर्षक खेळ खेळल्यानंतर आनंद जेव्हा हॉटसीट सोडून गेला, तेव्हा तो केवळ साडे बारा लाख रु. जिंकला नाही, तर आयुष्यातला पहिला चेक (3.20 लाख रु.) स्वतःसोबत घरी घेऊन गेला.
दरम्यान, आपल्या ज्ञानाच्या बळावर शिकून स्वतःला सुसज्ज करण्याच्या त्याच्या जबरदस्त इच्छा शक्तीमुळेच हे शक्य होऊ शकलं. अत्यंत समर्पित आणि कर्तव्यदक्ष मुलगा म्हणून आपल्या वडिलांचा पॅरालिसिस बरा करण्याचे आणि आपल्या कुटुंबाला गरीबीमधून बाहेर काढण्याचे आनंदचे पहिल्यापासूनचं स्वप्न होतं. हेच स्वप्न आता तो पूर्ण करु शकणार आहे.
याबाबत बोलताना आनंद म्हणाला, “माझ्या कुटुंबाला असा आनंद मिळाला आहे, जो त्याने आजवर कधीच अनुभवला नव्हता. कष्ट तर नेहमीच आमचे सोबती होते. बक्षिसाच्या रकमेचा मला माझ्या कुटुंबाला हातभार लावण्यास आणि माझ्या शिक्षणासाठी उपयोग होईल.(Mumbai News ) माझी क्षमता दाखवण्याची ही संधी मला दिल्याबद्दल मी KBC चा ऋणी आहे. बच्चन यांनी दाखवलेला दयाळूपणा आणि सहानुभूती माझ्यासाठी अनमोल आहेत. माझ्या माणसांना माझा अभिमान वाटावा अशी कामगिरी माझ्या हातून घडावी हीच माझी इच्छा आहे.
अधिक बातम्या वाचण्यासाठी येथे क्लिक करा :
Mumbai News : मंत्रालयात घुमणार शिवरायांच्या पराक्रमाचा पोवाडा; शिंदे-फडणवीस सरकारचा मोठा निर्णय!
Mumbai News : अबब! उद्धव ठाकरेंच्या ‘मातोश्री’ बंगल्यात आढळला ४ फूट लांबीचा कोब्रा!
Mumbai News : नितीन देसाई आत्महत्या प्रकरणी मोठी अपडेट; पाच जणांविरोधात गुन्हा दाखल
