Mumbai News : मुंबई : गोरेगावच्या फिल्मसिटी परिसरात बिबट्याची दहशत वाढत चालली आहे. बिबट्याचा वावर सातत्याने पाहायला मिळत असल्यामुळे नागरिकांमध्ये भीतीचे वातावरण आहे. यातच आता पुन्हा एकदा फिल्मसिटी परिसरात बिबट्याचे दर्शन झाले आहे. ‘सुख म्हणजे नक्की काय असतं’ या मराठी मालिकेचे शूटिंग सुरू होते. लाईट, कॅमेरा, अॅक्शन म्हणत कलाकार आपापली भूमिका पार पाडत होते. एवढ्यात सेटवर बिबट्याची एंट्री झाली. सेटवरच थेट बिबट्याने दर्शन दिल्यामुळे सर्वांचीच भितीने गाळण उडाली. ही धक्कादायक घटना बुधवारी दुपारी ४ वाजण्याच्या सुमारास घडली. या वेळी सेटवर सुमारे २०० हून अधिक जण उपस्थित होते. सुदैवाने बिबट्याने कोणावर हल्ला केला. सेटवर बिबट्या घुसल्याचा व्हिडिओ सध्या सोशल मीडियावर व्हायरल होत आहे.
भर दुपारी फिल्मसिटीत बिबट्याचा वावर
गोरेगावच्या फिल्मसिटीमध्ये अनेक मालिका आणि चित्रपटांचे शुटिंग सुरु असते. या सेटच्या ठिकाणी अनेक लोकं काम करतात. बऱ्याचदा रात्रीचे देखील शुटिंग सुरु असते. (Mumbai News) अशामध्ये या परिसरात बिबट्याची दहशत कायम आहे. ‘सुख म्हणजे नक्की काय असतं’ या मालिकेच्या सेटवर बुधवारी दुपारी ४ वाजताच्या सुमारास शुटिंग सुरु असताना अचानक बिबट्या आला. त्यामुळे सेटवर शुटिंगसाठी उपस्थित असलेल्या कलाकार आणि इतर कर्मचाऱ्यांचे धाबे दणाणले.
काही दिवसांपूर्वीच फिल्मसिटीमधील एका मराठी मालिकेच्या सेटवर अचानक बिबट्या घुसला होता. तेव्हा देखील मालिकेचे शुटिंग सुरु होते. (Mumbai News) या बिबट्याने मालिकेच्या सेटवर घुसून त्याठिकाणी बसलेल्या कुत्र्यावर हल्ला केला होता. या हल्ल्यात कुत्र्याचा मृत्यू झाला होता. आता पुन्हा फिल्मसिटी परिसरात बिबट्याचे दर्शन झाले आहे. गेल्या १५ दिवसांतील बिबट्या दिसण्याची ही तिसरी घटना आहे. यामुळे नागरिकांच्या सुरक्षिततेचा प्रश्न ऐरणीवर आला आहे.
अधिक बातम्या वाचण्यासाठी येथे क्लिक करा :
Mumbai News : मोठी बातमी! मुंबई-पुणे एक्स्प्रेस वे वर आज पुन्हा दोन तासांचा ब्लॉक!
Mumbai News : मुंबईत कंत्राटी पोलीस भरती होणार का? देवेंद्र फडणवीसांनी स्पष्टच सांगितले…
Mumbai News : ट्रकचालकाचा बदला घेण्यासाठी दूचाकीस्वाराने उडवली पोलिसांची झोप; आता खातोय जेलची हवा!
