Nanded Crime : नांदेड जिल्ह्यातील मुखेड शहरात माणुसकीला काळीमा फासणारी संतापजनक घटना समोर आली आहे. येथे खाजगी शिकवणी सुटल्यानंतर घरी परतणाऱ्या 6 वर्षांच्या चिमुकलीवर एका 22 वर्षाच्या नराधमाने लैंगिक अत्याचार केल्याची धक्कादायक घटना घडली आहे. या प्रकरणी आरोपीला पोलिसांनी अटक केली आहे. त्याच्याविरुद्ध मुखेड पोलीस ठाण्यात विविध कलमांखाली 8 नोव्हेंबर रोजी गुन्हा दाखल करण्यात आला आहे.
मिळालेल्या माहितीनुसार, ओमकार डाकूरवार असे नराधम आरोपीचे नाव आहे. या घटनेनंतर नागरिकांमध्ये क्रोधाची भावना आहे. संतप्त नागरिकांनी आरोपीला फाशीची शिक्षा द्यावी, अशी जोरदार मागणी केली आहे. दरम्यान, चिमुकलीवर नांदेड येथील रुग्णालयात उपचार सुरू असून, तिची प्रकृती सध्या स्थिर असल्याची माहिती समोर येत आहे.
या घटनेमुळे शहरात संतापाची लाट उसळली आहे. आरोपीला कठोर शिक्षा करण्यात यावी, अशी मागणी मुखेड करांनी केली आहे. या घटनेवमुळे काही काळ परिसरात तणावाचे वातावरण निर्माण झाले होते. पोलीस या प्रकरणाचा अधिक तपास करत आहेत.
