छत्रपती संभाजीनगर : एसटी महामंडळाच्या ताफ्यातील ई- शिवाई बसची वाढती लोकप्रियता लक्षात घेऊन एसटी महामंडळाने प्रवाशांच्या सेवेसाठी ई-शिवाई बसेसची मागणी केली होती. मागणी करण्यात आलेल्या दहा बसेस पैकी पाच ई- शिवाई बसेस रविवारी शहरात दाखल झाल्या. उर्वरित पाच बसेस मार्गस्थ असून त्या ही लवकरच शहरात दाखल होतील, असे विभागीय वाहतूक नियंत्रक अधिकारी पंडित चव्हाण यांनी सांगितले.
छत्रपती संभाजीनगर विभागासाठी या पूर्वी दहा ई-शिवाई बसेस देण्यात आलेल्या आहे. या सर्व बसेस पुणे मार्गावर प्रवाशांची उत्तम प्रकारे सेवा देत आहे. रविवारी पाच ई-शिवाई बसेस आणखी लवकरच पाच बस दाखल झाल्या आहेत.
उर्वरित पाच बसेस मार्गस्थ असून त्या बसेसही लवकरच शहरात दाखल होणार आहे. आता ई-शिवाई बसेसची संख्या २० होणार आहे. प्रवाशाच्या मागणी प्रमाणे त्या-त्या मार्गावर या बसेस सोडण्यात येणार आहे. चिकलठाणा मध्यवर्ती कार्यशाळेच्या परिसरात स्मार्ट सिटीच्या बसेस लावण्यात येत होत्या. त्या कालपासून हलविण्यात आल्या आहे. त्यामुळे आता ई- शिवाई बसेस त्या ठिकाणी उभ्या करण्यात आल्या आहेत.
