Sindhudurg Politics: मालवण: राज्यात आगामी निवडणूकीमुळे सर्वत्र राजकीय वातावरण तापले आहे. अशातच मालवण (Malvan) शहरातील भाजपचे पदाधिकारी विजय केवडेकर यांच्याकडे लाखा रुपयांची बॅग सापडली आहे. या घटनेचा एक लाईव्ह व्हिडिओ समोर आला आहे. या घटनेमुळे शहरात एकच खळबळ उडाली आहे. (Sindhudurg Politics)
हेही वाचा- सर्वोच्च न्यायालयाच्या सुनावणीबाबत शरद पवारांचं मोठं वक्तव्य; म्हणाले…
मिळालेल्या माहितीनुसार, मालवण नगरपालिका निवडणुकीत शिवसेनेचे आमदार निलेश राणे यांनी बुधवारी सांयकाळी स्टिंग ऑपरेशन केले. या ऑपरेशनच्या माध्यमातून विजय यांच्या घरात लाखो रुपयांची बंडल असलेलली बॅग आढळून आली. हे पैसे प्रचारात मते आपल्याकडे मिळवून घेण्यासाठी वाटले जात असल्याचा आरोप निलेश राणे यांनी केला आहे. मतदार चार दिवसांच्या तोंडावर येऊन ठेपली आहे. अशातच पैसे वाटण्याचा कारनामा समोर आला. निलेश राणे यांनी या घटनेची माहिती पोलिसांना दिली. पोलीस घटनास्थळी दाखल धाले आणि त्यांनी पैसे ताब्यात घेतले.
बुधवारी रात्री निलेश राणे यांनी विजय यांच्या घरात प्रवेश केला. त्यावेळीस कुडाळमधील भाजपचे कार्यकर्ते बंड्या सांवत देखील उपस्थित होते. अशातच त्यांच्या घरात पैशांचे बंडल आढळून आले. निलेश यांनी लाईव्ह व्हिडिओच्या माध्यमातून पैशांची बॅग दाखवली. निवडणूकीच्या आधी पैसे वाटप केले अशी तक्रार यावेळी निलेश राणे यांनी केली. पोलिसांना आणि निवडणूक आयोगाला या घटनेची माहिती देत त्यांनी तात्काळ कारवाई सुरु केली.
हेही वाचा- ‘माझी ड्युटी संपली’ म्हणत उड्डाणाला नकार; पुणे विमानतळावर प्रवाशांचा खोळंबा
