Baramati News : बारामती(पुणे) : समृद्धी महामार्गावर एका खासगी बसला अपघात होऊन बसने पेट घेतल्याने बसमधील तब्बल २५ जणांचा मृत्यू झाल्याची धक्कादायक माहिती समोर आली आहे. या अपघातामुळे बारामतीतील काळे कुटुंबीयांना धक्का बसला. येथील ॲड. अमर काळे यांची बहीण कांचन गंगावणे (वय ३८), त्यांचे पती कैलास गंगावणे (वय ४८) व सई गंगावणे (वय २०) या शिरुर (जि. पुणे) तालुक्यातील तिघांचाही या अपघातामध्ये दुर्दैवी मृत्यू झाल्याची माहिती समोर आली आहे. यामुळे बारामती शहरात शोककळा पसरली आहे.
बारामती शहरात शोककळा
नागपूरहून पुण्याच्या दिशेने गंगावणे कुटुंब प्रवासासाठी विदर्भ ट्रॅव्हल्सने निघाले होते. गंगावणे कुटुंबीयांच्या मुलाला नागपूरमधील विधी महाविद्यालयात प्रवेश मिळाला होता. (Baramati News) त्याला महाविद्यालयात सोडून हे कुटुंबीय परतीच्या दिशेने निघाले होते. त्याच वेळेस त्यांच्यावर काळाने घाला घातला.
सई गंगावणे ही अतिशय हुशार विद्यार्थीनी होती. तिला तिच्या गुणवत्तेवर आयुर्वेदिक महाविद्यालयांमध्ये वैद्यकीय शिक्षणासाठी प्रवेश मिळाला होता व ती वैद्यकीय शिक्षणाची विद्यार्थिनी होती. मिळालेल्या माहितीनुसार, मुळचे शिरूर येथील हे कुटुंब नोकरीच्या निमित्ताने निरगुडसर येथे वास्तव्यास आहे. कैलास गंगावणे हे पंडित जवाहरलाल नेहरू विद्यालयात २७ वर्ष प्राध्यापक म्हणून काम करत होते. गंगावणे कुटुंबीयांच्या मुलाला नागपूरमधील विधी महाविद्यालयात प्रवेश मिळाला होता त्याला महाविद्यालयात सोडून हे कुटुंबीय विदर्भ ट्रॅव्हल्स बसने पुण्याला यायला निघाले होते. (Baramati News) या तिघांचाही फोन लागत नसल्याची बाब लक्षात आल्यानंतर व बसच्या अपघाताची माहिती मिळाल्यानंतर अमर काळे यांनी शोध सुरू केला.
विरोधी पक्षनेते अजित पवार यांचे स्वीय सहाय्यक सुनीलकुमार मुसळे यांनी देखील तातडीने हालचाल करून या अपघाताबाबत बुलढाण्याच्या पोलीस अधीक्षकांची संपर्क साधून तातडीने माहिती घेतली. (v) नागपूरहून पुण्याकडे निघालेल्या प्रवाशांच्या यादीमध्ये या तिघांचेही नाव असून त्यांच्या मोबाईलचे शेवटचे लोकेशन अपघातस्थळी असल्याने हे तिघे या बसमधून प्रवास करत होते, अशा निष्कर्षाप्रत पोलीस आलेले आहेत. दरम्यान काळे कुटुंबीयांनी गंगावणे कुटुंबीय याच बसमधून प्रवास करत होते, या वृत्तास दुजोरा दिला आहे.
समृद्धी महामार्गावरील अपघातांची पुनरावृत्ती टाळण्यासाठी तात्काळ सुरक्षितता उपाययोजना करा, अशी मागणी विरोधी पक्षनेते अजित पवार यांनी केली आहे.
तसेच नागपूरहून पुण्याला येणाऱ्या खासगी ट्रॅव्हल्स बसला समृध्दी महामार्गावर बुलडाणा –सिंदखेड राजा येथे अपघात होऊन २५ हून अधिक प्रवाशांचा होरपळून मृत्यू झाल्याची बातमी अत्यंत दुःखद, वेदनादायी असल्याची संवेदना विरोधी पक्षनेते अजित पवार यांनी व्यक्त केली आहे.
अधिक बातम्या वाचण्यासाठी येथे क्लिक करा :
Baramati News : बारामतीतील सरकारी कार्यालये पुण्यापेक्षा चांगली… काय म्हणाले रवींद्र धंगेकर?
Baramati News : बारामतीतील शिक्षक चक्क दारू पिऊन वर्गातच झोपला ; गावकऱ्यांनी व्हिडिओ केला व्हायरल.
