Accident मुंबई : जुन्या मुंबई-पुणे महामार्गावर खाजगी बस दरीत कोसळून आज पहाटे झालेल्या भीषण अपघाताबद्दल मुख्यमंत्री एकनाथ शिंदे यांनी तीव्र दुःख व्यक्त केले आहे. या अपघातातील मृत आणि त्यांच्या कुटुंबिंयाप्रति सहवेदना प्रकट करुन या दुर्दॅवी घटनेतील मृतांच्या नातेवाईकांना मुख्यमंत्री सहायता निधीमधून प्रत्येकी ५ लाख रुपयांची मदत मुख्यमंत्री शिंदे यांनी जाहीर केली आहे.
अपघातग्रस्तांना तातडीने मदत करण्याच्या सूचना…!
अपघाताची माहिती मिळताच मुख्यमंत्री एकनाथ शिंदे यांनी रायगडचे जिल्हाधिकारी आणि पोलीस अधिक्षकांशी दूरध्वनीवर संपर्क साधून या घटनेची माहिती घेतली. अपघातग्रस्तांना तातडीने मदत करण्याच्या सूचना देतानाच जखमींना शासकीय खर्चाने तात्काळ वैद्यकीय उपचार पुरविण्याचे निर्देशही मुख्यमंत्र्यांनी दिले.
अपघातानंतर तातडीने मदतकार्यात सहभागी झालेल्या हायकर्स आणि आयआरबी टीममधील तरुणांशी मुख्यमंत्र्यांनी चर्चा केली, या संकटसमयी मदतकार्यात तातडीने धावून आल्याबद्दल या टीमच्या सदस्यांचे मुख्यमंत्र्यांनी कौतुक केले.
जुन्या पुणे-मुंबई महामार्गावर शनिवारी पहाटे एक खासगी बस दरीत कोसळल्याची घटना धक्कादायक घडली. या अपघातात आता पर्यंत १७ प्रवाशांना वाचवण्यात यश आले आहे. तर तब्बल १२ जण ठार झाल्याची माहिती मिळत आहे. बचाव कार्य सुरू करण्यात आले आहे.
जुन्या पुणे-मुंबई महामार्गावर आज सकाळी पहाटे ४ च्या सुमारास एक खासगी बस दरीत कोसळून भीषण अपघात झाला. ही घटना बोरघाटातील शिंगरोबा मंदिरजवळ घडली.
या घटनेत १२ प्रवाशांचा मृत्यू झाल्याची माहिती मिळत आहे. या बसमध्ये ४० ते ४५ प्रवासी होते. या घटनेत २० ते २५ लोक जखमी झाल्याची प्राथमिक माहिती पोलिसांनी दिली आहे.
अधिक बातम्या वाचण्यासाठी येथे क्लिक करा….!
