Pune News : पेट्रोल पंपावर दरोडा टाकण्याच्या तयारीत असलेल्या ९ जणांच्या टोळीला डेक्कन व शिवाजीनगर पोलिसांनी सापळा रचून अटक केली आहे. आरोपींकडून लोखंडी कोयता, चाकू तसेच दरोड्यासाठी लागणारे साहित्य जप्त केले आहे. मंगळवारी (ता. ०४) संभाजी उद्यानाच्या मागील मुठा नदीपात्रात हि कारवाई केली आहे.(Pune News)
पोलिसांनी सापळा रचून अटक केली आहे.
गौतम उर्फ लखन अंबादास बनसोडे (वय-२९, रा. पीएमसी कॉलनी, राजेंद्रनगर), राम विलास लोखंडे (वय – २३, रा. नवी पेठ, पुणे), सुनिल बाबासाहेब कांबळे (वय – २० रा. पाटील इस्टेट, शिवाजीनगर), अश्रु खंडु गवळी (वय-१९ रा. दांडेकर पुल), रोहित चांदा कांबळे (वय-१९), रोहन किरण गायकवाड (वय- १९) पाटील इस्टेट, शिवाजीनगर), किरण सिताप्पा खेत्री (वय- २० रा. कात्रज), ओंकार बाळु ननावरे (वय-२१) रा. राजेंद्रनगर,पुणे), शाम विलास लोखंडे (वय-२० रा. नवी पेठ, पुणे) असे अटक करण्यात आलेल्या आरोपींची नावे आहेत.(Pune News)
पोलिसांनी दिलेल्या माहितीनुसार, पोलीस अधिकारी व कर्मचारी हद्दीत पेट्रोलींग करत असताना माहिती मिळाली की, संभाजी उद्यानाच्या पाठीमागे मुठा नदीपात्रात ९ ते १० जण दारुपीत बसले आहे(Pune News)त. त्यांच्याकडे कोयते आणि धारदार शस्त्रे असून ते जंगली महाराज रोडवरील साई पेट्रोल पंपावर दरोडा टाकण्याची चर्चा करत आहेत.
याबाबत शिवाजीनगर पोलिसांना माहिती देऊन त्यांच्याकडील स्टाफला नदीपात्रात येण्यास सांगितले. दरम्यान डेक्कन पोलिसांनी साध्या वेशात नदीपात्रात जाऊन सापळा रचला. डेक्कन आणि शिवाजीनगर पोलीस ठाण्यातील पोलिसांनी आरोपींना घेराव घालून रात्री दीड वाजता ताब्यात घेतले. आरोपींची अंगझडती घेतली असता लोखंडी कोयता, चाकू, मिरचीपुड, नायलॉन दोरी, मास्क जप्त केले.(Pune News)
