पुणे : कझाकिस्तान येथे पार पडलेल्या स्पर्ध्येत हडपसर मतदारसंघाचे राष्ट्रवादी कॉंग्रेसचे अध्यक्ष डॉ. शंतनू जगदाळे यांनी आयर्नमॅनचा किताब नावावर केला आहे.
कझाकिस्तान या देशाच्या राजधानी न्यूर सूलतान येथे आयर्नमॅन स्पर्धा पार पडली. या आर्यनमॅन स्पर्धेत विविध देशांतील अनेक खेळाडूंनी सहभाग घेतला होता. या स्पर्धेत महाराष्ट्रातील काही स्पर्धक यात सहभागी झाले होते.
डॉ शंतनू जगदाळे यांनी स्विमिंग ३.८km सायकलिंग १८० km ,रनिंग ४२.२km हे स्पर्धेसाठी निश्चित केलेले अंतर १४ तास ३४ मिनिटात पूर्ण केले. आणि आयर्नमॅन हा किताब आपल्या नावावर केला आहे. डॉ शंतनू जगदाळे यांना रनहोलिकस ग्रुपचे संस्थापक डॉ.योगेश सातव, आर्यनमॅन दशरथ जाधव, आर्यनमॅन राहूल झांजुर्णे यांचे मार्गदर्शन लाभले.
दरम्यान, राष्ट्रवादीचे अध्यक्ष शरद पवार,खासदार डाॅ.अमोल कोल्हे,वंदनाताई चव्हाण,सुप्रियाताई सुळे विरोधीपक्षनेते अजितदादा पवार प्रदेशाध्यक्ष जयंत पाटील, महिला आयोग अध्यक्षा रूपालीताई चाकणकर, आमदार चेतन तुपे,पुणे शहर अध्यक्ष प्रशांत जगताप यांनी ही स्पर्धा यशस्वीरीत्या पूर्ण केल्याबद्दल डॉ जगदाळे यांचे अभिनंदन केले आहे.
डॉ. शंतनु जगदाळे हे हडपसर विधानसभा मतदारसंघ राष्ट्रवादीचे कॉंग्रेसचे अध्यक्ष आहेत. राजकीय क्षेत्रातील ही महाराष्ट्रातील पहिली व्यक्ती असेल ज्यांनी ही स्पर्धा यशस्वी रित्या पूर्ण केली आहे. या स्पर्धेची पूर्वतयारी म्हणून कोल्हापूर येथे हाफ आर्यनमॅन स्पर्धा पूर्ण केली होती. यापुढे दक्षिणा आफ्रिका येथे कॉम्ब्रेड (९०km Run in १२hrs) ही स्पर्धा पूर्ण करण्याचा मानस आहे. असे डॉ जगदाळे यांनी सांगितले.
