लोणीकंद (पुणे) : लोणीकंद (ता. हवेली) येथील योगीराज बाळासाहेब शिंदे यांची भारतीय जनता पार्टी सांस्कृतिक आघाडी पुणे जिल्हा उपाध्यक्षपदी नुकतीच निवड करण्यात आली.
भाजप सांस्कृतिक आघाडी महाराष्ट्र प्रदेशाध्यक्षा प्रिया लक्ष्मीकांत बेर्डे यांच्या हस्ते पुण्यातील एका कार्यक्रमात नुकतेच निवडीचे पत्र देण्यात आले. यावेळी पुणे शहराध्यक्ष सांस्कृतिक आघाडी जतीन पांडे उपस्थित होते.
निवडीनंतर भाजपचे ज्येष्ठ नेते, कॅबिनेट मंत्री चंद्रकांत पाटील, माजी मंत्री बाळा भेगडे, जिल्हा बँकेचे सदस्य प्रदीप कंद, माजी जिल्हाध्यक्ष गणेश भेगडे, धीरज घाटे, जयश्री पलांडे, रोहिदास उंद्रे, दादासाहेब सातव, संदीप भोंडवे, रविंद्र कंद यांनी अभिनंदन केले.
निवडीनंतर बोलताना योगीराज शिंदे म्हणाले, “तळागाळातील नागरिकांना सांस्कृतिक विभागाची माहिती देऊन त्यांना या विषयी मार्गदर्शन करणार असून, नागरिकांना येणाऱ्या अडचणी त्वरित सोडवण्यासाठी प्रयत्न करणार आहे”.
