चाकण: रिक्षा चालकाने त्याच्या ताब्यातील रिक्षा निष्काळजीपणे चालवल्याने रिक्षा पलटी होऊन रिक्षातील प्रवासी महिला जखमी झाली. ही घटना बुधवारी 17 जानेवारीला सायंकाळी साडेसहा वाजताच्या सुमारास चाकण ते खराबवाडी रोडवर रानुबाई मळा येथे घडली. याप्रकरणी जखमी महिलेने चाकण पोलीस ठाण्यात फिर्याद दिली. त्यानुसार रिक्षा चालकाच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी महिला या आरोपीच्या रिक्षामधून जात होत्या. आरोपीने त्याच्या ताब्यातील रिक्षा भरधाव वेगात चालवली. त्यामुळे रिक्षा पलटी झाली. या अपघातात रिक्षामध्ये असलेल्या फिर्यादी गंभीर जखमी झाल्या आहेत. चाकण पोलीस तपास करीत आहेत.
