शिक्रापूर : किरकोळ वादातून एका महिलेने दुसऱ्या महिलेवर वार करत जखमी केल्याची घटना घडली. ही घटना रांजणगाव गणपती (ता. शिरुर) येथे घडली. याबाबत कविता रामनाथ माळी (वय २७, रा. रांजणगाव गणपती ता. शिरुर जि. पुणे, मूळ रा. नारायणगाव ता. जुन्नर जि. पुणे) यांनी रांजणगाव एमआयडीसी पोलीस ठाण्यात फिर्याद दिल्याने पोलिसांनी संयुक्ता खैरे (रा. रांजणगाव गणपती ता. शिरुर) हिच्या विरुध्द गुन्हा दाखल केला आहे. कविता माळी या घरी असताना संयुक्ता खैरे ही आली. संयुक्ता हिने कविता यांना शिवीगाळ, दमदाटी करत तू रोहितला फोन का करतेस असे म्हणून जवळील चाकूने गळ्यावर व हातावर वार करत जखमी केले.
