पुणे : तू मला इन्स्टाग्रामवर शिवीगाळ का केली, असा जाब विचारत, बेकायदा जमाव जमवून शिवीगाळी, दमदाटी करून लाथाबुक्यांनी मारहाण केल्याची घटना राजगुरूनगर (ता. खेड) परिसरात हुतात्मा राजगुरू विद्यालयाजवळ घडली. याप्रकरणी आरोपीवर गुन्हा दाखल करण्यात आला आहे.
याबाबत मिळालेल्या अधिक माहितीनुसार, फिर्यादी प्रथमेश बाळू फड (वय १६ वर्षे, रा. बस्ती, खराबवाडी, ता. खेड, जि. पुणे. मुळ रा. धर्मापुरी, ता. परळी, जि. बिड) यांनी दिलेल्या फिर्यादीनुसार आरोपी सिद्धेश गारगोटे (रा. गारगोटवाडी, ता. खेड, कुरकुंडी, ता. खेड), निखील संदीप भोकसे, अदित्य संभाजी भोकसे, सिद्धेश संतोष पडवळ (सर्व रा. कुरकुंडी, ता. खेड), दिगंबर घाग (रा. कोये, ता. खेड) यांची चौकशी सुरू आहे.
पोलिसांनी दिलेल्या माहितीनुसार, आरोपींनी राजगुरूनगर महाविद्यालयाजवळील महामार्गालगतच्या साई प्लाझा इमारतीजवळ मंगळवारी (ता. ५) सकाळी सव्वा अकराच्या सुमारास बेकायदा गर्दी जमवून, मला तु इन्स्टाग्रामवर शिवीगाळी का केली असा जाब विचारला. तसेच सर्वांनी मिळून फिर्यादीला शिवीगाळी, दमदाटी केली. तसेच लाथा-बुक्यांनी मारहाण केली. सिद्धेश गारगोटे याने हातात दगड घेवून फिर्यादीच्या उजव्या पायावर दगडाने मारून दुखापत केली. याप्रकरणी गारगोटे याच्याविरोधात गुन्हा दाखल करण्यात आला आहे.
