पुणे : पुण्यातून एक धक्कादायक प्रकार समोर येत आहे. एका १६ वर्षीय अल्पवयीन मुलाच्या गुरुद्वाराला एअर कॉम्प्रेसरचा पाईप लावून त्याच्या अंगात हवा भरण्यात आल्याचा धक्कादायक प्रकार उघडकीस आला आहे. या अघोरी प्रकारामुळे या अल्पवयीन मुलाचा जागीच मृत्यू झाला.
मोतीलाल साहू (वय १६) असे मृत्युमुखी पडलेल्या मुलाचे नाव आहे. ही घटना ४ डिसेंबरला सकाळी साडेदहा वाजण्याच्या सुमारास हडपसर येथील इंडस्ट्रियल इस्टेटमध्ये घडली. फूड प्रोसेसिंग कंपनीमध्ये हा अल्पवयीन मुलगा काम करत होता. या घटनेमुळे फूड प्रोसेसिंग कंपनीत चांगलीत खळबळ उडाली आहे. या प्रकरणी हडपसर पोलिसांनी धीरजसिंग गोपालसिंग गौड या आरोपीला अटक केली आहे. (Pune Crime News)
मिळालेल्या अधिक माहितीनुसार, शंकरदीन साहू, मोतीलाल साहू आणि धीरजसिंग गोपाळसिंग गौड हे तिघेही फूड प्रोसेसिंग कंपनीमध्ये काम करत होते. मस्करीत हा सगळा प्रकार सुरु असल्याची माहिती पोलिसांनी दिली. मोतीलाल साहू या तरुणाच्या शरिरात एअर कॉम्प्रेसरने हवा भरल्याने त्याच्या पोटात हवा गेली आणि त्यानंतर गुदमरुन त्याचा जागीच मृत्यू झाला आहे. याप्रकरणी शंकरदीन साहू यांनी तक्रार दाखल केली असून आरोपी धीरजसिंग गोपाळसिंग गौड (21) याला अटक केली आहे.
