Rupali Chakankar News : सुप्रिया ताई गेले पंधरा वर्ष अजितदादांमुळेच निवडून आल्या आहेत, अशी खोचक टीका अजित पवार गटाच्या नेत्या रुपाली चाकणकर यांनी केली आहे. त्या पुढे बोलताना म्हणाल्या, अजितदादांनी जो निर्णय घेतला तो विकासासाठी घेतला आहे, अजित दादांना मुख्यमंत्री होताना पाहायचं असेल तर आम्हाला काम करावं लागणार आहे.
आमचं स्वप्न आहे त्यासाठी आम्ही प्रयत्न करू, दादा मुख्यमंत्री व्हावं हही सर्वांची इच्छा आहे. असं रुपाली चाकणकर म्हणाल्या. तसेच आगामी निवडणूकीत महायुतीचा विजय होईल, असा दावाही त्यांनी यावेळी केला आहे. यावेळी बोलताना रुपाली चाकणकर म्हणाल्या, अजित दादांवर बोलणारे दोन्ही खासदार दादांमुळेच निवडून आले आहेत. विकासाचे राजकारण हवं आहे.
सुप्रिया ताई गेले पंधरा वर्ष अजितदादांमुळेच निवडून आल्या आहेत. दादासोबत नाहीत म्हणून तळ ठोकावा लागतोय अशी टीका त्यांनी केली. प्रत्येकाची लढण्याची इच्छा असते, स्पर्धेक असतात त्यामुळे खडकवासला मध्ये अनेक इच्छुक आहेत, असे त्या म्हणाल्या. तसेच बारामती लोकसभेमध्ये अजित पवार राष्ट्रवादी गट आणि महायुतीचा उमेदवार निवडून येईल, असा दावाही रुपाली चाकणकर यांनी केला आहे.
तर आम्हला काम करावं लागेल : रुपाली चाकणकर
अजित पवारांनी विरोधी पक्षांमधील नेते असो अथवा अजित पवारांचे समर्थक, अनेकांनी अजित पवार लवकरच मुख्यमंत्री होतील असा दावा केला आहे. आता चर्चांना राष्ट्रवादी अजित पवार गटाच्या रुपाली चाकणकर यांनी केलेल्या वक्तव्यामुळे पुन्हा उधाण आले आहे. अजित पवार मुख्यमंत्री व्हावे ही आमची इच्छा आहे, असे वक्तव्य रुपाली चाकणकर यांन केले आहे. अजित दादांना मुख्यमंत्री होताना पाहायचं असेल तर आम्हला काम करावं लागेल. आमचं स्वप्न आहे त्यासाठी आम्ही प्रयत्न करू दादा मुख्यमंत्री व्हावं हे सर्वांची इच्छा आहे, असेही रुपाली चाकणकर म्हणाल्या.
