Rajgurunagar News : राजगुरूनगर : बाप्पांच्या आगमनामुळे सध्या घराघरांत उत्सवी वातावरण पहायला मिळत आहे. वीजेच्या माळांनी घरांची सजावट केल्याचे चित्र दिसत आहे. पुणे शहरासह जिल्ह्यात सर्वत्र उत्साही वातावरण असतानाच एक धक्कादायक घटना घडली आहे. खेड तालुक्यातील खरपुडी येथील युवकाने सजावटीसाठी घरात विजेची माळ लावली होती. शनिवारी रात्री विजेची माळ सुरु ठेऊन तो गणपतीजवळ झोपला असता, घरात विजेच्या माळेचे शॉटसर्किट झाले. काही कळण्याचा आत आगीने रौद्ररुप धारण केले. या अपघातात तरुणाचा आगीत होरपळून दूर्दैवी मृत्यू झाला. या घटनेमुळे परिसरात हळहळ व्यक्त करण्यात येत आहे.
घटनेमुळे परिसरात हळहळ
आगीत होरपळून मृत्यू झालेल्या तरुणाचे नाव वैभव जगन्नाथ गरुड (वय ३५) असे आहे. खेड तालुक्यातील खरपुडी येथील हा युवक आहे. वैभवच्या घरी गणरायाची स्थापना झाली. सजावट करताना त्याच्या परिवाराने विजेची माळ लावली होती. दरम्यान, शनिवारी रात्री विजेची माळ सुरु ठेऊन तो कुटूंबासह गणपतीजवळ झोपला होता. त्यावेळी मोठी दुर्घटना घडली. त्यांच्या घरात विजेच्या माळेचे शॉटसर्किट झाले. (Rajgurunagar News) रात्रीच्यावेळी झोपेत ही दूर्घटना घडल्याने घरात आग वेगाने पसरली. काही कळण्याचा आत आगीने रौद्ररुप धारण केले. घरच्या मंडळींना काहीच संधी मिळाली नाही. या अपघातात वैभव गरुड याचा आगीत होरपळून मृत्यू झाला. या आगीत घरातील साड्या आणि इतर वस्तू जळून खाक झाल्या. गादीवर झोपलेल्या वैभव गरुड याचा देखील मूत्यू झाला.
वैभव हा सर्पमित्र म्हणून या परिसरात प्रसिद्ध होता. गाव आणि परिसरात कुठेही साप आढळल्यास वैभव कौशल्याने पकडून साप जंगलात सोडत होता. (Rajgurunagar News) दरम्यान, ही घटना घडली त्यावेळी वैभव गरुड हा गणपतीची आरास असलेल्या खोलीत झोपला होता. त्यावेळी घरात त्यांची पत्नी आणि दोन मुली होत्या. त्या दुसऱ्या खोलीत झोपल्या होत्या. आग लागली तेव्हा ग्रामस्थांनी धाव घेत त्यांना बाहेर काढले. यामुळे त्या तिघी बचावल्या.
अधिक बातम्या वाचण्यासाठी येथे क्लिक करा :
Rajgurunagar News : व्यक्ती-व्यक्तींमधील उत्तम संवादाची नितांत गरज : प्रा. मुबीन तांबोळी
