Pune News : पुणे : हडपसर येथील सह्याद्री हॉस्पिटलजवळ भीषण अपघात झाला आहे. लोखंडी पाईप घेऊन जाणाऱ्या ट्रकचे स्टेअरिंग तुटल्याने ट्रक चालकाने उड्डाणपूल सुरू होणाऱ्या दुभाजकाला धडक दिली. त्यामुळे ट्रकच्या मागे असलेले लोखंडी पाईप पुढे सरकले आणि केबिनचा चक्काचूर झाला आहे. हा अपघात आज पहाटेच्या सुमारास झाला असून, अपघातात ट्रक चालक जखमी झाला आहे.
चालक गंभीर जखमी
या अपघाताबाबत मिळालेल्या अधिक माहितीनुसार, भीषण अपघातात ट्रक चालकाचा पाय तुटला असून, क्लिनर जखमी झाला आहे. दरम्यान, नागरिकांनी क्लिनर आणि ट्रक चालकाला ट्रकमधून बाहेर काढून तातडीने रुग्णालयात दाखल केले. (Pune News) प्रमाणापेक्षा जास्त लोड असल्यामुळे हा अपघात झाला, असे प्रत्यक्षदर्शी नागरिक उल्हास तुपे यांच्याकडून सांगण्यात आले आहे. अपघाताचे फोटो पाहूनच अपघाताची भीषणता किती असेल हे लक्षात येते. हनुमंत लक्ष्मण सानप (वय ४२, रा. बीड) असे ट्रक चालकाचे नाव आहे.
वैभव थिएटरसमोर सोलापूर रोड हडपसर येथे हा अपघात झाला. अपघाताची माहिती मिळताच घटनास्थळी पोलीस तत्काळ दाखल झाले. (Pune News) वाहतुकीला अडथळा नको, यासाठी ट्रक रस्त्यावरून बाजूला हटवला आहे. या घटनेमुळे काही काळ वाहतूक खोळंबली होती. अपघातानंतर क्रेनच्या साहाय्याने ट्रक बाजून करून रस्ता वाहतूकीसाठी खुला करण्यात आला आहे.
अधिक बातम्या वाचण्यासाठी येथे क्लिक करा :
Pune News : पुणे रेल्वे स्थानकात आता शिशू स्तनपान कक्ष!
Pune News : ‘पीएमपी’ होतेय ‘स्मार्ट’; घरबसल्या कळणार बसचे लोकेशन
