संतोष गायकवाड
Pune News : वाघोली : वाघोली येथील लॉजमधील खोलीत एका प्रेमी युगूलाने गळफास घेऊन आत्महत्या केल्याची घटना सोमवारी (ता. ३०) सायंकाळी सहा ते सातच्या सुमारास उघडकीस आली. आत्महत्येचे कारण अद्याप स्पष्ट झालेले नाही. कोमल सुनील बर्के (वय २०, रा. चंदननगर, खराडी, पुणे), सचिन गोकुळ शिंदे (वय २१, सध्या रा. खराडी, नेहरू कॉलनी, मूळ- भिंगार, अहमदनगर) असे आत्महत्या केलेल्या प्रेमी युगूलाचे नाव आहे.
आत्महत्येचे कारण अस्पष्ट
याबाबत मिळालेल्या अधिक माहितीनुसार, सोमवारी सकाळी ११ वाजण्याच्या सुमारास दोघे लॉजमध्ये दाखल झाले. सायंकाळी सहा वाजता ते लॉजमघील खोली सोडणार होते. मात्र, बराच वेळ ते बाहेर न आल्याने लॉजच्या कामगारांनी तरुणाच्या मोबाइलवर संपर्क साधला. (Pune News) मात्र, त्याने कोणताही प्रतिसाद दिला नाही. त्यामुळे हॉटेलचे कर्मचारी खोलीजवळ गेले. त्यांनी दरवाजाची बेल वाजवली. तेव्हा दरवाजा उघडाच होता. कर्मचाऱ्याने दरवाजा ढकलला असता, ओढणीच्या साह्याने गळफास घेतल्याचे लक्षात आले. त्यानंतर त्यांनी पोलिसांना कळविले.
प्रेम प्रकरणातून आत्महत्या केली असावी, असा प्राथमिक अंदाज लोणीकंद पोलिसांनी वर्तविला आहे. कोमल ही डीएमएलटीचे शिक्षण घेत होती. (Pune News) तर सचिन हा खासगी कंपनीत नोकरीला होता. अधिक तपास लोणीकंदचे सहायक पोलीस निरीक्षक सूरज राजगुरू करत आहेत.
अधिक बातम्या वाचण्यासाठी येथे क्लिक करा :
Pune News : रिक्षात विसरली दिवाळी खरेदीची बॅग; फरासखाना पोलिसांनी तत्परतेने शोध घेऊन केली परत
