Pune News : पुणे : पुणे शहर आणि पिंपरी-चिंचवड परिसरात ओला, उबेर रिक्षांप्रमाणेच सीटर रिक्षांचा वापर मोठ्या प्रमाणावर होतो. शहरातील रिक्षा संदर्भात आता राज्य सरकारने महत्वाचा निर्णय घेतला आहे. सरकार या दोन्ही शहरांत ई-रिक्षा सुरु करणार आहे. यामुळे या शहरांतील प्रदूषण कमी होणार आहे. या दोन्ही शहरांसाठी हा पायलेट प्रोजेक्ट असणार आहे. त्याच्या यशस्वी अंमलबजावणीनंतर हा प्रयोग राज्यात राबवण्यात येणार आहे.
यशस्वी अंमलबजावणीनंतर हा प्रयोग राज्यात राबवण्यात येणार
शहरांमध्ये वाढलेले प्रदूषण कमी करण्यासाठी ई-रिक्षा हा महत्वाचा प्रोजेक्ट आहे. यामुळे प्रदूषण नियंत्रणाबरोबर नागरिकांना स्वस्तात प्रवास करता येणार आहे. (Pune News) या पायलट प्रोजेक्टसाठी पुणे शहरातील पिंपरी-चिंचवड आणि ठाणे शहराची निवड करण्यात आली आहे. ई-रिक्षाच्या प्रकल्पाची सुरूवात मुख्यमंत्री एकनाथ शिंदे यांच्या ठाणे शहरातून आणि पुण्यातील पिंपरी-चिंचवडमधून होणार आहे.
नोंदणीकृत रिक्षांच्या बदल्यात सरकारतर्फे ई-रिक्षा दिल्या जाणार आहेत. या ई-रिक्षासाठी बॅटरी स्टेशनची व्यवस्था केली जाणार आहे. (Pune News) या ठिकाणी रिक्षा चालकांना बॅटरी संपल्यानंतर संपलेली बॅटरी देऊन त्या बदल्यात चार्ज केलेली दुसरी बॅटरी दिली जाणार आहे. यामुळे रिक्षा चालकांचा चार्जिंग करतानाचा वेळही वाचणार आहे.
दरम्यान, सरकारचे ई-रिक्षाचे हे धोरण अंतिम टप्प्यात आहे. लवकरच हा पायलट प्रोजेक्ट ठाणे आणि पिंपरी-चिंचवडमध्ये राबवला जाणार असल्याची माहिती सूत्रांनी दिली. (Pune News ) त्याचा फायदा सर्वसामान्य नागरिकांना होणार आहे आणि रिक्षा चालकांना नवीन गुंतवणूक करावी लागणार नाही.
अधिक बातम्या वाचण्यासाठी येथे क्लिक करा :
Pune News : वाघोलीतील लॉजमध्ये प्रेमी युगूलाची आत्महत्या
Pune News : रिक्षात विसरली दिवाळी खरेदीची बॅग; फरासखाना पोलिसांनी तत्परतेने शोध घेऊन केली परत
