Pune News : पुणे : पुण्यातील चंदननगर पोलीस स्टेशनच्या हद्दीतून एक खळबळजनक बातमी समोर आली आहे. लग्नाचे आमिष दाखवून एका 22 वर्षे तरुणीला सैफ नामक आरोपीने पळून नेले. मात्र पळून गेल्यानंतर आपला प्रियकर विवाहित असल्याचे या तरुणीच्या लक्षात आले. त्यानंतर तिने आपण परत येत असल्याचे आपल्या मैत्रीला फोन करून सांगितले. तरुणीने मैत्रिणीला दिल्लीतील नोएडा येथील लोकेशनही पाठवले. मात्र ही तरुणी अद्यापही परतली नाही. (Shocking! A 22-year-old girl was blindfolded and abducted to an unknown place on the promise of marriage in Pune)
चंदनगर पोलीस ठाण्यात गुन्हा दाखल
याप्रकरणी चंदनगर पोलीस ठाण्यात गुन्हा दाखल करण्यात आला आहे. जयेश प्रभाकर भरसट (वय 23) यांनी याप्रकरणी पोलीसात तक्रार दिली आहे.
मिळालेल्या माहितीनुसार, तक्रारदार यांच्या ऑफिसमध्ये ही 22 वर्षीय तरुणी काम करते ती पेइंग गेस्ट मध्ये रहावयास आहे. या तरुणीचे एका सैफ नामक व्यक्तीसोबत प्रेम संबंध होते. (Pune News) आरोपी सैफ याने लग्न करण्याचं वचन देत तिला पळून नेले. परंतु पळून गेल्यानंतर आपला प्रियकर आधीच विवाहित असल्याचे तिच्या लक्षात आले. आपली फसवणूक झाल्याचं लक्षात येताच या तरुणीने आपल्या मैत्रिणीला फोन केला. “सैफने माझ्या डोळ्याला पट्टी बांधून अनोळखी ठिकाणी आणले असून याठिकाणी बरेच लोक आहेत, मी तुम्हाला गुपचूप लोकेशन पाठवत आहे” असे सांगून तिने मैत्रिणीला नोएडा दिल्ली येथील लोकेशन पाठवले.
दरम्यान, ही तरुणी अद्यापही बेपत्ता आहे. या संपूर्ण प्रकारानंतर चंदननगर पोलीसांनी गुन्हा दाखल केला आहे. पुढील तपास पोलीस करत आहेत.
