Loni Kalbhor News : लोणी काळभोर, (पुणे) : चारचाकी गाडीला बनावट नंबरप्लेट लावून फिरणार्‍या एकाला लोणी काळभोर पोलिसांनी अटक केली आहे. कारला अपघात होऊन त्यात एका तरुणाचा मृत्यु झाला. त्यातून त्याचा हा प्रताप उघड झाला आहे. वडकी रोडवरील दिवांग पार्क फाटा येथे रविवारी (ता. ०४) सायंकाळी साडे वाजण्याच्या सुमारास हि घटना घडली आहे. (Loni Kalbhor News)
आदिल सिराज मुलाणी (वय २३, रा. दिवे, ता. पुरंदर) असे एक करण्यात आलेल्या कारचालकाचे नाव आहे. तर या अपघातात श्रीधर धर्मा कदम (वय ३३, रा. लोणी गाव, ता. हवेली) असे अपघातात मृत्यू झालेल्या व्यक्तीचे नाव आहे. याबाबत पोलिस शिपाई अमोल मुंढे यांनी लोणी काळभोर पोलिस ठाण्यात फिर्याद दिली आहे. (Loni Kalbhor News)
पोलिसांनी दिलेल्या माहितीनुसार, आदिल मुलाणी हा कारचा रजिस्टर नंबर न लावता जाणीवपूर्वक चुकीचा नंबर टाकून ती कार फिरवत होता. फुरसुंगी येथील वडकी रोडवरील दिवांग पार्क फाटा येथे श्रीधर कदम हे रिक्षातून खाली उतरले. त्या वेळी पाठीमागून आदिल मुलाणी हा भरधाव कार घेऊन आला. त्याने कदम यांना धडक दिली. त्यात ते गंभीर जखमी होऊन त्यात त्यांचा मृत्यू झाला. (Loni Kalbhor News)
दरम्यान, पोलिसांनी अपघाताची चौकशी केली़ तेव्हा आदिल हा बनावट नंबर प्लेट लावून कार चालवत असल्याचे आढळून आले. आपल्या वाहनांवर कारवाई होऊ नये, म्हणून अनेक जण नंबरप्लेटमध्ये आकड्यांची आदलाबदल करुन वाहने दामटत असतात. पुढील तपास पोलिस उपनिरीक्षक हनुमंत तरटे तपास करीत आहेत.
अधिक बातम्या वाचण्यासाठी येथे क्लिक करा..
