Pune News : पुणे : अंमली पदार्थांची विक्री करणाऱ्या दोन परदेशी नागरिकांना अमली पदार्थ विरोधी पथकाने हडपसर परिसरातून सापळा लावून ताब्यात घेतले. त्यांच्याकडून कोकेन, एमडी, नशेच्या गोळ्या, कॅथा इडुलस खत असे तब्बल ११ लाख ८८ हजार रुपयांचे अंमली पदार्थ जप्त केले आहेत.
१२ लाखांचे अंमली पदार्थ जप्त
याबाबत मिळालेल्या अधिक माहितीनुसार, या प्रकरणी फिलिप विलिवन इडिली (वय ४९, सध्या रा. ऊरळी देवाची, हडपसर- सासवड रस्ता) आणि त्याच्या मैत्रिणीला अटक केली आहे. (Pune News) इडिली हा मूळचा नायजेरिया येथील असून, तो आणि त्याची मैत्रिण ऊरळी देवाची परिसरातील एका सोसायटीत राहतात. हे दोघे अमली पदार्थांची विक्री करत असल्याची माहिती अमली पदार्थ विरोधी पथकातील पोलीस कर्मचारी प्रवीण उत्तेकर आणि पांडुरंग पवार यांना मिळाली.
त्यानंतर पोलिसांच्या पथकाने सापळा रचून दोघांना मोठ्या शिताफीने पकडले. त्यांच्याकडून कोकेन, एमडी, नशेच्या गोळ्या, कॅथा ईडुलस खत असे अमली पदार्थ जप्त करण्यात आले. (Pune News) दुचाकी, मोबाइल संच, पारपत्र देखील जप्त करण्यात आले आहे.
पोलीस उपायुक्त अमोल झेंडे, सहायक आयुक्त सुनील तांबे यांच्या मार्गदर्शनखाली वरिष्ठ पोलीस निरीक्षक अश्विनी सातपुते, सहायक निरीक्षक शैलजा जानकर, लक्ष्मण ढेंगळे, प्रवीण उत्तेकर, पांडुरंग पवार, मनोज साळुंके, मारुती पारधी, विशाल दळवी आदींनी ही कारवाई केली.
अधिक बातम्या वाचण्यासाठी येथे क्लिक करा :
Pune News : पुण्यात गावगुंडांची दहशत; अज्ञातांकडून मध्यरात्री ४ रिक्षांची जाळपोळ
Pune News : यंदाच्या गणेशोत्सवात “अग्निसुरक्षित गणेश मंडळ” स्पर्धा; आगीच्या घटना टाळणार
