Pune News : पुणे : सदनिका फोडून चोरट्यांनी सोन्या चांदीचे दागिन्यांसोबतच कारची चावी घेऊन पार्किंगमधील कारही लांबविल्याचा धक्कादायक प्रकार समोर आला आहे. याबाबत एका महिलेने सिंहगड रोड पोलीस ठाण्यात फिर्याद दिली आहे.
सिंहगड रोड पोलीस ठाण्यात फिर्याद दाखल
याबाबत पोलिसांनी दिलेल्या माहितीनुसार, हा प्रकार नर्‍हे येथील मल्हार प्राईड येथे शनिवारी पहाटे दोन ते अडीच वाजण्याच्या सुमारास घडला. (Pune News) फिर्यादी यांचा फ्लॅट बंद होता. ही संधी साधून चोरट्यांनी पहाटेच्या सुमारास दरवाजाचा कडी-कोयंडा तोडून आत प्रवेश केला आणि सोन्या-चांदीचे दागिन्यांची चोरी केली.
या चोरट्यांनी दागिने चोरी करतानाच घरातील टाटा टिआगो गाडीची चावी देखील चोरली. दागिन्यांबरोबरच सोसायटीच्या पार्किंगमध्ये असलेली गाडी असा ५ लाख ९६ हजार ३०० रुपयांचा मुद्देमाल चोरुन नेला.
शहरात घरफोडीचे गुन्हे वाढले आहेत. एकाच दिवशी चार ठिकाणी घरफोडीचे प्रकार घडले. कोंढव्यात कुलूप तोडून चोरट्यांनी किचनमधील स्टीलच्या डब्यातील १ लाख ९५ हजार रुपयांचे ४० ग्रॅम वजनाचे सोन्याचे दागिने, घड्याळ, रोख रक्कम चोरुन नेली. (Pune News) आंबेगाव पठार येथील फ्लॅटच्या दरवाजाचा कोयंडा तोडून चोरट्यांनी ४३ हजार ५०० रुपयाचे सोन्याचे दागिने चोरुन नेले. वडगाव येथील आदिश्री अपार्टमेंटमधील फ्लॅटचा कडी कोयंडा उचकटून चोरट्याने शुट, शर्ट रोख रक्कम असा ८५ हजार रुपयांचा माल चोरुन नेला.
अधिक बातम्या वाचण्यासाठी येथे क्लिक करा :
Pune News : दिल्लीहून विमानाने पुण्यात येऊन घरफोडी; कोंढव्यात दोघांना अटक; दीड लाखाचे दागिने जप्त
