नवी दिल्ली : सध्या अनेक स्मार्टफोन्स, स्मार्टवॉच मार्केटमध्ये उपलब्ध आहेत. ग्राहकांच्या गरजेनुसार अनेक गॅजेट्स बनवण्यावर कंपन्यांचा भर असतो. त्यातच आता Samsung India ने खास आपल्या ग्राहकांसाठी सवलतीच्या दरात गॅजेट्स देण्याचा निर्णय घेतला आहे. त्यानुसार, कंपनीने Black Friday Sale ची घोषणा केली आहे.
कंपनीने घोषणा केलेल्या या सेलदरम्यान अनेक चांगल्या ऑफर्स, डील्स आणि कॅशबॅक उपलब्ध आहेत. या सेलमध्ये तुम्हाला Samsung स्मार्टफोन, Galaxy Watch आणि Galaxy Buds वर कॅशबॅक दिला जाणार आहे. यात Watches आणि Buds आणि फोल्डेड हँडसेटसाठी बिग डील आणण्यात आली आहे. या Samsung Big Sale दरम्यान Samsung Galaxy Z Series, Galaxy A Series, Galaxy Watch Ultra, Galaxy Watch7, Galaxy Buds3 Pro, Galaxy Buds 3 आणि Galaxy Buds FE यांचा समावेश करण्यात आला आहे.
या गॅजेट्सवर तुम्हाला 12 हजार रुपयांपर्यंतचा कॅशबॅक मिळू शकतो. कंपनीने तशी तयारीही केली आहे. Samsung ने Galaxy Z Fold 6 सह Galaxy Watch ultra आणि Galaxy Buds ची सीरीज तयार केली आहे. यामध्ये युजर्सला 18 हजार रुपयांपर्यंतचे फायदे सहजपणे घेता येऊ शकणार आहेत. या सेलदरम्यान No Cost EMI चा पर्याय देखील उपलब्ध करून देण्यात आला आहे.
