Pune News : पुणे : शहरात ढोल-ताशांच्या गजरात गणरायाचे जल्लोषात स्वागत करण्यात आले. श्रीमंत दगडूशेठ हलवाई, मानाचा पहिला कसबा गणपती, तांबडी जोगेश्वरी, गुरुजी तालिम गणपती, तुळशीबाग गणपती, केसरी वाडा गणपती ट्रस्टच्या मिरवणुका पाहण्यास भाविकांनी मोठ्या संख्यने हजेरी लावली होती. यापुढील दहा दिवस भाविक देखावे पाहण्यासाठी गर्दी करतात. देखावे पाहणाऱ्या नागरिकांची गैरसोय होऊ नये, यासाठी प्रशासनाने २६ ठिकाणी पार्किंगची व्यवस्था केली आहे.
अप्पा बळवंत चौक ते बुधवार चौक या मार्गावर वाहनांना पूर्णपणे बंदी
अनेक भाविक देखावे पाहण्यासाठी येताना दूचाकी तसेच चारचाकी वाहने घेऊन येतात. अनेकदा चुकीच्या ठिकाणी वाहने पार्क केल्यास दंड भरावा लागतो. यावर उपाय म्हणून शहरात २६ ठिकाणी पार्किंगची व्यवस्था केल्याचे वाहतूक शाखेचे उपायुक्त विजय कुमार यांनी सांगितले. याविषयी माहिती देताना कुमार म्हणाले की, दहा दिवस भाविकांची गर्दी होणार आहे. (Pune News) त्यासाठी पार्किंगची ठिकाणे निश्चित केली आहेत. अनेक भाविक आपले चार चाकी वाहन आणि दुचाकी वाहन आणतात. त्यांच्यासाठी पार्किंगची सुविधा केली गेली आहे. यामुळे भाविक या ठिकाणी वाहन लावून गणेश उत्सव पाहण्यासाठी जाऊ शकतात. भाविकांनी वाहतूक नियमांचे पालन करुन आपले वाहन पार्क करावे.
गणेशोत्सवादरम्यान शहरातील लक्ष्मी रोड, केळकर रोड, कुमठेकर रोड, टिळक रोड, शास्त्री रोड, बगाडे रोड, बाजीराव रोड, गणेश रोड, गुरुनानक रोड वाहतुकीसाठी बंद असणार आहे. तसेच विसर्जन मिरवणुकीच्या वेळी या प्रमुख रस्त्यांना जोडणाऱ्या अंतर्गत रस्त्यांवरही वाहनांच्या पार्किंगला बंदी असणार आहे. (Pune News) कुमठेकर रोड, सदाशेव पेठ, फडके हौद रोड, नाईक रोड, एमजी रोडवरील एकेरी वाहतूक २० सप्टेंबर ते २७ सप्टेंबर या कालावधीत सायंकाळी ५ वाजल्यापासून बंद राहणार आहे.
अप्पा बळवंत चौक ते बुधवार चौक या मार्गावर वाहनांना ये-जा करण्यास पूर्णपणे बंदी घालण्यात आली आहे. जिजामाता चौक ते रामेश्वर चौक, मंडई ते शनिपार चौक, सेवासदन चौक-आप्पा बळवंत चौक-बुधवार चौक याठिकाणी वाहने उभी करण्यास मनाई केली आहे. (Pune News) शिवाजीनगरहून स्वारगेटकडे जाणारी वाहतूक वळवली आहे. बर्वे चौक-अलका चौक-टिळक रोड-स्वारगेट या मार्गाने जाता येणार आहे. तसेच पीएमपीएमएल बसेसचा मार्ग देखील बदलला आहे.
अधिक बातम्या वाचण्यासाठी येथे क्लिक करा :
Pune News : कार्यकारी अभियंता आर. वाय. पाटील यांना उत्कृष्ट अभियंता पुरस्कार
