राजेंद्रकुमार शेळके
Pune News : पुणे : येथील विश्वकर्मा प्रतिष्ठानच्या वतीने दरवर्षी दिला जाणारा चित्रपट अभिनेते निळूभाऊ फुले स्मृती कला गौरव पुरस्कार महामाता रमाबाई भीमराव आंबेडकर राष्ट्रीय स्मारकाचे मुख्य समन्वयक विठ्ठल गायकवाड यांना सन्मानपूर्वक प्रदान करण्यात आला. ज्येष्ठ लेखक, विचारवंत डॉ. श्रीपाल सबनीस यांच्या हस्ते व रुक्मिणी नागापुरे यांच्या उपस्थितीमध्ये गायकवाड यांनी हा पुरस्कार स्विकारला.
डॉ. श्रीपाल सबनीस यांच्या हस्ते पुरस्कार वितरण
याप्रसंगी सन्मानचिन्ह, शाल व सन्मानपत्र देऊन विठ्ठल गायकवाड यांच्याबरोबरच दादाभाऊ गायकवाड, विद्यानंद मानकर, राजाभाऊ धडे आदी मान्यवरांना सन्मानित करण्यात आले. हा कार्यक्रम पुणे येथील एस. एम. जोशी फाउंडेशन याठिकाणी झाला. (Pune News) याप्रसंगी बोलताना डॉ. श्रीपाल सबनीस म्हणाले की, निळूभाऊ फुले यांच्यासारख्या महान कलावंताच्या नावाचा पुरस्कार एका सर्वसामान्य कार्यकर्त्याला मिळणे, ही अत्यंत समाधानाची बाब आहे.
या वेळी गायकवाड यांच्यासह पुरस्कार मिळालेल्या व्यक्तींचे महामाता रमाबाई भीमराव आंबेडकर राष्ट्रीय स्मारकाच्या वतीने अभिनंदन करण्यात आले.(Pune News) कार्यक्रमाचे मुख्य संयोजन विष्णू गरुड यांनी केले आहे.
अधिक बातम्या वाचण्यासाठी येथे क्लिक करा :
Pune News : चौकीच्या दारातच महिला पोलीस अधिकाऱ्यावर हल्ला; पोलीस कर्मचार्‍याला अटक
Pune News : मराठा आंदोलनाला खेड तालुक्यात हिंसक वळण; टायर जाळून सरकारचा निषेध
