Pune News : पुणे : पुणे व पिंपरी-चिंचवड शहर व जिल्ह्यातील विविध क्षेत्रातील अनेक लोकप्रिय कलाकारांच्या उपस्थितीत मराठा आरक्षणासाठी मराठा योद्धा मनोज जरांगे पाटील यांना जाहीर पाठींबा देण्यासाठी बालगंधर्व रंगमंदिर येथे साखळी उपोषण करण्यात आले. अखिल भारतीय मराठी चित्रपट महामंडळ, बालगंधर्व परिवार, अखिल भारतीय मराठी नाट्य परिषदेच्या पुणे शाखेचे अध्यक्ष मेघराज राजे भोसले यांच्या नेतृत्त्वाखाली शेकडो कलाकारांनी साखळी उपोषणात सहभाग घेतला.
बालगंधर्व रंगमंदिर येथे साखळी उपोषण
मराठा आरक्षणाचा तिढा अनेक वर्षे सुटलेला नाही. आरक्षणाचा ज्वलंत प्रश्न लवकरात लवकर मार्गी लावून समस्त मराठा समाजाला न्याय मिळावा, यासाठी पुणे शहरातील हजारो कलाकार साखळी उपोषणाला बसले आहेत. (Pune News ) यामध्ये चित्रपट, मालिका, लोकधारा, ऑर्केस्ट्रा, लावणी, नाटक, कीर्तन, तमाशा, लोकनाट्य, प्रवचन, भारूड, जादूगार, एकपात्री, बॅकस्टेज, लाईट, साऊंड, वादक, गायक, शाहिर, भीमशाहिर, वेबसिरिज अशा सर्वच कलाकारांचा समावेश आहे.
या उपोषणात मेघराज राजे भोसले, प्रसिद्ध सिने अभिनेत्री प्राजक्ता गायकवाड, प्रसिद्ध अभिनेते सुरेश विश्वकर्मा, अनिल अण्णा गुंजाळ, पराग चौधरी, लावणी सम्राज्ञी वर्षा संगमनेरकर, अरूण गायकवाड, शशिकांत कोठावळे, चित्रसेन भवार, ॲड. मंदार जोशी, अशोक जाधव, मिठू पवार, योगेश देशमुख, वनमाला बागूल, लावणी सम्राज्ञी हेमा कोरबरी, स्वाती धोकटे, आरोही पाटील, माधवी सातपुते, जादूगार रघुराज, प्रमोद रणनवरे, दिग्दर्शक शरद गोरे, प्रकाश झेंडे, कुणाल निंबाळकर, अजित शिरोळे, साईनाथ जावळकर, (Pune News ) सचिन फूलपगार, नितीन मोरे, सागर राजे बोदगीरे, हेमंत महाडीक, योगेश जोशी, महेश कदम, मनोज माझिरे, गणेश गायकवाड, लावणी सम्राज्ञी संगीता लाखे, लावणी सम्राज्ञी अर्चना जावळेकर, दीपा माथफोड, शितल चोपडे, किरण खेंगरे, दत्ता गाडेकर, दिग्दर्शक उमेश जगताप आदींसह कला क्षेत्रातील शकडो कलाकार दिवसभर चाललेल्या या साखळी उपोषणात सहभागी झाले होते.
गायक चित्रसेन भवार यांनी मराठा आरक्षणाला पाठिंबा गीते सादर केली. समस्त कलाक्षेत्राचा मराठा आरक्षणाला पाठिंबा असल्याचे कलाकारांनी आवर्जून सांगितले.(Pune News ) हा लढा केवळ मनोज जरांगे पाटील यांचाच नाही, तर तो संपूर्ण कलाकारांचा असल्याचे या वेळी मेघराज राजे भोसले म्हणाले. या साखळी उपोषणात विविध वेशभूषा करून कलाकारांनी मराठा आरक्षणाला पाठिंबा दिला.
अधिक बातम्या वाचण्यासाठी येथे क्लिक करा :
Pune News : कात्रज-कोंढवा रस्त्यावर सहा झोपड्यांना भीषण आग
Pune News : कात्रजमध्ये अग्नितांडव! गॅस सिलिंडरच्या स्फोटात झोपड्या जळाल्या
Pune News : मेकॅनिकल अभियांत्रिकी विषयात डॉ. मोहन कुलकर्णी यांना पीएचडी प्रधान
