Pune News : पुणे : कात्रज-कोंढवा रस्त्यावरील केदारेश्वरनगर भागात पाण्याच्या टाकीजवळ असलेल्या झोपड्यांना आग लागल्याची धक्कादायक घटना बुधवारी घडली. या आगीत सहा झोपड्या जळाल्या. या घटनेत सुदैवाने कोणीही जखमी झाले नाही.
सुदैवाने जिवितहानी टळली
याबाबत मिळालेल्या अधिक माहितीनुसार, कात्रज-कोंढवा रस्त्यावरील केदारेश्वनगर भागात पाण्याच्या टाकीजवळ असलेल्या झोपड्यांना आग लागल्याची माहिती अग्निशमन दलाला मिळाली. अग्निशमन दलाचे चार बंब, टँकर तत्काळ घटनास्थळी दाखल झाले. (Pune News) जवानांनी आग आटोक्यात आणण्यासाठी प्रयत्न सुरू केले. अग्निशमन दलाच्या जवानांनी पाण्याचा मारा करुन आग आटोक्यात आणली.
दरम्यान, या आगीत झोपडीतील एका गॅस सिलिंडरचा स्फोट झाला. जवानांनी तत्परतेने झोपड्यांमधील सहा सिलिंडर बाहेर काढल्याने अनर्थ टळला.(Pune News) पाण्याचा मारा केल्यानंतर अर्ध्या तासात आग आटोक्यात आली. आगीत सहा झोपड्या जळाल्या. झोपडीत गृहोपयोगी साहित्य जळाले.
जवानांनी झोपडीत कोणी अडकले का नाही, याची खात्री केली. रहिवासी बाहेर पडल्याने अनर्थ टळला. या आगीमागचे नमके कारण समजू शकले नाही. (Pune News) अग्निशमन दलाचे अधिकारी समीर शेख, सचिन मांडवकर, सुनील नाईकनवरे यांच्या मार्गदर्शनाखाली २५ जवानांनी आग आटोक्यात आणली.
अधिक बातम्या वाचण्यासाठी येथे क्लिक करा :
Pune News : कात्रजमध्ये अग्नितांडव! गॅस सिलिंडरच्या स्फोटात झोपड्या जळाल्या
Pune News : मेकॅनिकल अभियांत्रिकी विषयात डॉ. मोहन कुलकर्णी यांना पीएचडी प्रधान
Pune News : ‘भारतीय मनोविज्ञानाचा पाया’ पुस्तकाचा उद्देश कौतुकास्पद : डॉ. विजय भटकर
