Pune News : पुणे : रोड रोमिओच्या सततच्या जाचाला कंटाळून १५ वर्षांच्या अल्पवयीन मुलीने गळफास घेऊन जीवन संपवल्याचा धक्कादायक प्रकार पुण्यातील लोहगाव परिसरात उघडकीला आला आहे.
लोहगाव येथील धक्कादायक घटना
याबाबत मिळआलेल्या माहितीनुसार, मुलगी क्लासला जात असताना, तिला रस्त्यात अडवून रोड रोमिओ त्रास देत होता. बुधवारी (ता. १३) सायंकाळी तो थेट मुलीच्या घरात शिरला आणि तिचा विनयभंग केला. दरम्यान, मुलीच्या आईला हा प्रकार समजल्यावर ती मुलाला पकडण्यासाठी घराबाहेर पडली. (Pune News) या वेळेत घरात कोणीही नसल्याने मुलीने ओढणीने गळफास घेऊन आत्महत्या केली. त्रिशला बंडु कवडे (वय १५) असे आत्महत्या केलेल्या मुलीचे नाव आहे.
पोलिसांनी दिलेल्या माहितीनुसार, संबंधित मुलीची आई आशा कवडे (रा. मोझे आळी, लोहगाव) यांनी विमानतळ पोलीस ठाण्यात दिलेल्या फिर्यादीनुसार, सोमनाथ ऊर्फ कोल्ह्या संजय राखपसरे (वय २२, रा. मोझे आळी, लोहगाव) याला अटक केली आहे.
फिर्यादी व आरोपी एकाच गल्लीत राहतात. फिर्यादीची मुलगी त्रिशला ही आठ दिवसांपूर्वी क्लासला जात असताना सोमनाथ राखपसरे याने रिक्षा तिच्याजवळ थांबवली. मी तुला क्लासला सोडतो, असे म्हणून तिच्याशी ओळख वाढवण्याचा प्रयत्न केला. (Pune News) त्यानंतर मंगळवारी सायंकाळी सोमनाथ थेट मुलीच्या घरात शिरला. मुलगी हॉलमधील सोफ्यावर बसली होती. सोमनाथ तिच्या शेजारी बसून तिचा विनयभंग करण्याचा प्रयत्न करत होता. त्याचवेळी फिर्यादी घरात आल्या. अचानक त्यांना आलेल्या पाहून सोमनाथ फिर्यादी यांना धक्का देऊन पळून गेला.
दरम्यान, घडलेल्या प्रकारामुळे संतप्त झालेल्या फिर्यादी या आरोपी सोमनाथ याला पकडण्यासाठी त्याच्यामागे धावत गेल्या. याचदरम्यान मुलीने ओढणीच्या सहाय्याने गळफास घेऊन आत्महत्या केली. (Pune News) विनयभंग, पोक्सो व आत्महत्येस जबाबदार धरुन सोमनाथवर गुन्हा दाखल करुन पोलिसांनी अटक केली आहे. या घटनेचा अधिक तपास सहायक पोलीस निरीक्षक लहाने करीत आहेत.
अधिक बातम्या वाचण्यासाठी येथे क्लिक करा :
Pune News : गावठी दारू अड्ड्यावर छापा; तब्बल 7 लाखांचा मुद्देमाल नष्ट; शिरगाव पोलिसांची कारवाई
Pune News : जप्त केलेल्या ५ कोटींच्या अंमली पदार्थांची होळी : पोलीस आयुक्त रितेश कुमार यांची माहिती
