पुणे, : पुणे – पानशेत रस्त्यावर असलेल्या वरदाडे ग्रामपंचायत हद्दीतील कंपनीशेजारी एका ३५ वर्षीय व्यक्तीचा गळा चिरलेल्या अवस्थेत आढळून आल्याची घटना घडली आहे. या घटनेत जखमी झालेल्या तरुणाचा मंगळवारी (ता. ०७) पहाटे साडेतीन ते चार वाजण्याच्या सुमारास उपचारादरम्यान मृत्यू झाला आहे.
प्रवीण बाबासाहेब झुमकुडे (वय ३५, रा. वरदाडे, ता. हवेली जि. पुणे मुळ रा. नांद्रे ता. मिरज जि. सांगली) असे उपचारादरम्यान मृत्यू झालेल्या कर्मचाऱ्याचे नाव आहे.
मिळालेल्या माहितीनुसार, पुणे – पानशेत रस्त्यावर असलेल्या वरदाडे ग्रामपंचायत हद्दीत मोठी नामांकित कंपनी आहे. पहाटे साडेतीन ते चार वाजण्याच्या सुमारास प्रवीण झुमकुडे घराशेजारी असलेल्या परिसरात गळा चिरलेल्या अवस्थेत आढळून आले. यावेळी गंभीर जखमी झालेल्या झुमकुडे यांना तत्काळ इतर कर्मचाऱ्यांनी उपचारांसाठी रुग्णालयात दाखल केले.
दरम्यान, उपचारापूर्वीच त्यांचा मृत्यू झाल्याचे डॉक्टरांनी सांगितले. या घटनेत झुमकुडे हे गंभीर जखमी झाले होते. सदर घटनेची हवेली पोलिसांना मिळताच पोलीस अधिकारी व कर्मचारी यांनी घटनास्थळी दाखल झाले असून पुढील तपास सुरु आहे.
