राहुलकुमार अवचट
Yavat News : यवत, (पुणे) : किराणा दुकानात मेहंदी आणण्यासाठी गेलेल्या अल्पवयीन मुलीवर लैंगिक अत्याचार करणाऱ्या आरोपीला २० वर्षे सश्रम कारावासाची शिक्षा सुनावली आहे. Yavat News
प्रकाश किसन अडागळे (रा. पारगाव – सालुमालु गांडाळवाडी, ता. दौंड) असे शिक्षा झालेल्या आरोपीच नाव आहे. Yavat News
मिळालेल्या माहितीनुसार, पारगाव सालू – मालू (गांडाळवाडी) येथे २३ मार्च २०२१ रोजी किराणा दुकानात मेहंदी आणण्यासाठी गेलेल्या अल्पवयीन मुलीला आरोपी प्रकाश अडागळे याने पिडीतेला घरात नेवून लैंगिक अत्याचार केला असल्याची फिर्याद पिडीतेच्या आईने यवत पोलीस ठाण्यात दिली होती. सदर प्रकरणाचा तपास यवत पोलीस स्टेशनचे पोलीस उपनिरिक्षक संजय. ए. नागरगोजे यांनी केला असून आरोपी याच्या विरुध्द बाल लैंगिक अत्याचार प्रतिबंधक कायदा अंतर्गत दोषारोपपत्र दाखल करण्यात आले होते.
या प्रकरणी आरोपी प्रकाश किसन अडागळे यास बारामती येथील जिल्हा व सत्र न्यायाधीश जे. ए. शेख यांनी बाल लैंगिक अत्याचार प्रकरणी २० वर्षे सश्रम कारावासाची शिक्षा सुनावली असून यावेळी सरकार पक्षातर्फे विशेष सरकारी वकील सुनिल ईश्वर वसेकर यांनी पीडित मुलीसह अनेकांची साक्ष घेत पिडीता ही ६ वर्षाची अल्पवयीन असल्याने घटनेचे गांभीर्य न्यायालयापुढे मांडले.
सदर प्रकरणी डॉ. कार्तिक यांची साक्ष व न्याय वैदयकीय पुरावा महत्वाचा ठरला, विशेष सरकारी वकील सुनिल ईश्वर वसेकर यांनी सदर खटल्याचे पूर्ण कामकाज पाहिले, युक्तीवाद व वैद्यकीय पुरावा ग्राह्य धरून न्यायालयाने आरोपी प्रकाश किसन अडागळे यांस २० वर्षे शिक्षा व १० हजार रुपये दंड व दंड न भरल्यास दोन महिने साधा कारावासाची शिक्षा सुनावली. तसेच कलम ५०६ प्रमाणे तीन महिने कारावासाची शिक्षा ठोठावली.
दरम्यान, पिडीतेस मनोधैर्य योजनेअंतर्गत ३० दिवसांमध्ये नुकसान भरपाई देणेचा आदेश जिल्हा विधी सेवा प्राधिकरण पुणे यांना केला सदर खटल्यामध्ये सरकारी वकील सुनिल ईश्वर वसेकर यांना यवत पोलीस ठाण्याचे प्रभारी पोलिस उपनिरीक्षक संजय. ए. नागरगोजे यांच्या मार्गदर्शनाखाली पोलीस नाईक संतोष ढोपरे व न्यायालयीन कोर्ट पैरवी नामदेव नलवडे यांसह सरकारी वकील कार्यालयाचे क्लार्क वर्षा संतोष सुतार यांनी सहकार्य केले. Yavat News
