उरुळी कांचन, (पुणे) : पुणे जिल्हा राष्ट्रवादी किसान सेलचे जिल्हाध्यक्ष पांडुरंग (आण्णा) काकडे यांनी, हवेली तालुक्याची अस्मिता जपण्यासाठी माऊली आबा कटके यांच्या उपस्थितीत, आज शनिवारी (ता. 09) अजित पवारांच्या राष्ट्रवादीत प्रवेश केला आहे.
यावेळी शिरूर-हवेलीचे राष्ट्रवादीचे उमेदवार माऊली आबा कटके यांनी पांडुरंग आण्णाचे स्वागत केले. यावेळी थेऊरचे ग्रामपंचायत सदस्य युवराज काकडे, जितेंद्र बडेकर, आण्णा महाडिक, रवींद्र काळे उपस्थित होते.
पांडुरंग (आण्णा) काकडे म्हणाले, माऊलीआबांसाठी पूर्ण शिरूर-हवेली तालुका एकवटला आहे. हवेली तालुक्याचा एक भाग म्हणून त्यांच्यासोबत जाण्याचा निर्णय घेतला आहे. माऊली आबांसाठी शिरूर-हवेली तालुक्यातील सर्व गावेच्या गावे झटत आहेत. मी हवेलीचा नागरिक म्हणून मी पण माऊली आबांचा प्रचार करून, निवडणून आणण्यासाठी प्रयत्न करणार आहे.
