राहुलकुमार अवचट
यवत : ग्रामपंचायत निवडणुकीतील यशाबद्दल पांढरेवाडी (ता. दौंड) येथील नवनिर्वाचित सरपंच व ग्रामपंचायत सदस्यांनी आमदार राहुल कुल यांची राहू येथील निवासस्थानी सदिच्छा भेट घेतली. या वेळी लोकनियुक्त सरपंच निता कोंडे, नवनिर्वाचित ग्रामपंचायत सदस्य फिरोज सय्यद, वैशाली भागवत, श्रीकांत जाधव, पूनम चव्हाण, वैशाली झगडे, अनिल झगडे, सुनीता झगडे, अमर गायकवाड, राजेंद्र भागवत, श्रद्धा जाधव, विद्युलता निंबाळकर यांचा आमदार राहुल कुल व माजी आमदार रंजना कुल यांच्या हस्ते शाल, श्रीफळ देऊन सन्मान करण्यात आला.
निवडणुकीत यश मिळवल्याबद्दल सर्वांना शुभेच्छा देण्यात आल्या. पुढील काळात गावाच्या सर्वांगीण विकासासाठी सर्वोतोपरी सहकार्य करण्याचे आश्वासन या वेळी आमदार राहुल कुल यांनी दिले. या वेळी पंचायत समितीचे माजी उपसभापती राजेंद्र कोंडे, कृषी उत्पन्न बाजार समितीचे संचालक बापू झगडे, अमोल कुलंगे, पत्रकार आलिम सय्यद, भीमराव झगडे यांच्यासह पांढरेवाडी ग्रामस्थ व तरुण मोठ्या संख्येने उपस्थित होते.
