उरुळी कांचन, ता. 03: राष्ट्रवादी काँग्रेस पक्षाच्या आगामी राजकीय हालचालींमध्ये मतदारांचा विश्वास आणि सहभाग महत्त्वाचा ठरेल, त्यामुळे सर्व मतदार बंधूंनी “राज्याच्या विकासासाठी घड्याळाच्या चिन्हावर शिक्का मारून बहुमताने राष्ट्रवादीच्या उमेदवारांना निवडून द्या” असे प्रतिपादन प्रसिद्ध उद्योजक व राष्ट्रवादीचे सरचिटणीस गुलाब चौधरी (NCP General Secretary Gulab Chaudhary) यांनी केले.
यापुढे बोलताना चौधरी म्हणाले की, राष्ट्रवादी पक्षाने महिलांसाठी रोजगारनिर्मिती आणि तरुणांसाठी उद्योग-रोजगार यांसारख्या महत्वाच्या प्रश्नांवर ठोस कामगिरी सुरू केली आहे. “महिलांचे रोजगाराचे प्रश्न, तरुणांचे उद्योग-रोजगाराचे प्रश्न यावर उपाययोजना करणे प्राथमिक कामगिरीचा भाग आहे. जर तरुणांनी एकत्र येऊन विचार केला तर गाव-परिसर, राज्याच्या आणि देशाच्या विकासाला गती मिळू शकते,”
तरुणांनी संघटित होऊन नवीन उद्योग समूह तयार करणे, सोलर ऊर्जा आणि ग्रीन एनर्जी सारख्या आधुनिक तंत्रज्ञानावर लक्ष केंद्रित करणे आवश्यक आहे. “मुख्यमंत्र्यांच्या योजनांमुळे राज्यात स्वर्ण निधीसारखी संधी उपलब्ध झाली आहे. तरुणांनी एकत्र येऊन याचा फायदा घेत उद्योग व्यवसाय सुरु करावा.”
View this post on Instagram
गुलाब चौधरी यांनी स्वतःचा अनुभव शेअर करत सांगितले की, “राजकारण आणि उद्योग व्यवसाय यांचा समन्वय करूनच कुटुंब, समाज आणि गावाच्या समृद्धीसाठी खरा परिणाम साधता येतो. उद्योग व्यवसाय न केल्यास कुटुंब चालविणे आणि समाजाला विकासाची दिशा देणे कठीण होते.”
तरुणांना आवाहन करत म्हणाले की, फक्त राजकीय सक्रियता पुरेशी नाही; आर्थिक आणि औद्योगिक सहभाग तितकाच महत्त्वाचा आहे. स्थानिक पातळीवर नवउद्योग सुरु करून रोजगारनिर्मिती करणे, आधुनिक तंत्रज्ञानाचा वापर करून ग्रामीण आणि शहरी विकासाला गती देणे हे प्राथमिक उद्दिष्ट असावे.
दरम्यान, सर्वसामान्यांसाठी आणि विशेषतः तरुणांसाठी ही योजना उद्योग-रोजगार आणि राजकीय सहभाग यांचे संतुलन साधून महाराष्ट्राच्या विकासाला पुढील काळात मोठी चालना देईल, असेही गुलाब चौधरी यांनी स्पष्ट केले.
