इम्रान अत्तार
Pune Satara News भोर, ता. ८ : पुणे–सातारा महामार्गावर खेड शिवापूर टोल नाक्याजवळ शुक्रवारी दुपारी झालेल्या भीषण अपघाताने परिसर हादरला. भरधाव टँकरने दुचाकीला जोरदार धडक देत चिरडल्याने दुचाकीवरील दाम्पत्याचा जागीच दुर्दैवी मृत्यू झाला.या अपघातात मृत्यू झालेल्यांची नावे राजेंद्र बबन मोरे आणि सविता राजेंद्र मोरे (रा. वारजे माळवाडी, पुणे) अशी आहेत. Pune Satara News
मिळालेल्या माहितीनुसार, साताऱ्याच्या दिशेने जाणारा टँकर (ए.पी. ०३ टी.इ. ५७५९) दुपारी सुमारे ३ वाजण्याच्या सुमारास खेड शिवापूर टोल नाक्याजवळून जात असताना त्याने पुढे असलेल्या दुचाकीला (एम.एच. १२ एफ.एच. ४६९६) जोरदार धडक दिली. धडकेनंतर दुचाकीवरील दाम्पत्य टँकरखाली सापडल्याने दोघांचाही जागीच मृत्यू झाला. Pune Satara News
अपघात इतका भीषण होता की घटनास्थळी मोठी गर्दी झाली होती. घटनेची माहिती मिळताच पोलिसांनी तातडीने घटनास्थळी धाव घेत वाहतूक सुरळीत करण्याचे काम सुरू केले. दरम्यान, या घटनेमुळे पुणे–सातारा महामार्गावर काही काळ वाहतूक कोंडी निर्माण झाली होती. पोलिसांकडून पुढील तपास सुरू असून टँकर चालकाला ताब्यात घेण्यात आल्याची प्राथमिक माहिती समोर येत आहे. Pune Satara News
