SSC Result लोणी काळभोर, ता. ८ : महाराष्ट्र राज्य माध्यमिक व उच्च माध्यमिक शिक्षण मंडळाने शुक्रवारी दुपारी जाहीर केलेल्या दहावीच्या निकालात कुंजीरवाडी (ता. हवेली) येथील ग्रामीण सर्वांगीण विकास विद्यालयाने पुन्हा एकदा आपल्या गुणवत्तेची चमक दाखवत तब्बल ९८.३६ टक्के निकाल लावला आहे. ग्रामीण भागातील विद्यार्थ्यांनी कठोर परिश्रम, शिक्षकांचे मार्गदर्शन आणि पालकांच्या पाठिंब्याच्या जोरावर मिळवलेल्या या यशामुळे संपूर्ण परिसरात आनंद आणि उत्साहाचे वातावरण निर्माण झाले आहे. SSC Result
दहावीच्या परीक्षेत प्रतिक्षा श्रीराम लटके हिने ९१.८० टक्के गुण मिळवत प्रथम क्रमांक पटकावला. तर कल्याणी आण्णासाहेब कदम आणि हर्षदा बळीराम लाडे या दोघींनी ९१ टक्के गुणांसह द्वितीय क्रमांक मिळवून उल्लेखनीय कामगिरी केली. तसेच कार्तिकी नवनाथ ठाकर हिने ८६.८० टक्के गुण मिळवत तृतीय क्रमांक पटकावला. SSC Result
यंदा विद्यालयातील एकूण १२२ विद्यार्थी दहावीच्या परीक्षेला बसले होते. त्यापैकी तब्बल १२० विद्यार्थी उत्तीर्ण झाले असून केवळ दोन विद्यार्थी अनुत्तीर्ण राहिले आहेत. विशेष म्हणजे विद्यार्थ्यांनी केवळ उत्तीर्ण होण्यापुरते यश न मिळवता गुणवत्तेचीही भक्कम छाप पाडली आहे. विद्यालयातील विद्यार्थ्यांनी केवळ उत्तीर्ण होण्यापुरते यश न मिळवता गुणवत्तेचीही छाप पाडली आहे. एकूण २६ विद्यार्थ्यांनी विशेष प्राविण्य, ५८ विद्यार्थ्यांनी प्रथम श्रेणी, तर ३४ विद्यार्थ्यांनी द्वितीय श्रेणी मिळवली आहे. दोन विद्यार्थ्यांनी उत्तीर्ण श्रेणी प्राप्त केली. SSC Result
दरम्यान, विद्यार्थ्यांच्या या यशाबद्दल शाळेच्या मुख्याध्यापिका सुवर्णा सावंत यांनी विद्यार्थ्यांचे, शिक्षकांचे आणि पालकांचे अभिनंदन केले. “ग्रामीण भागातील विद्यार्थ्यांनी कठोर मेहनत, शिक्षकांचे मार्गदर्शन आणि पालकांच्या सहकार्याच्या जोरावर हे यश मिळवले आहे,” असे त्या म्हणाल्या. तसेच सर्व यशस्वी विद्यार्थ्यांना पुढील शैक्षणिक वाटचालीसाठी शुभेच्छा देण्यात आल्या. विद्यालयाच्या या उल्लेखनीय निकालामुळे कुंजीरवाडी परिसरात विद्यार्थ्यांवर अभिनंदनाचा वर्षाव होत आहे. SSC Result
