आळंदी म्हातोबाची येथे श्री संत सेना महाराजांना पुण्यतिथीनिमित्त अभिवादन..

लोणी काळभोर : नाभिक समाजातर्फे श्री संत शिरोमणी सेना महाराज यांच्या पुण्यतिथीनिमित्त शुक्रवारी (ता. 30) आळंदी म्हातोबाची (ता. हवेली) येथे विविध उपक्रमांचे आयोजन करण्यात आले होते. अशी माहिती हवेली तालुका महाराष्ट्र नाभिक महामंडळाचे अध्यक्ष गोकुळ क्षिरसागर यांनी दिली.

नाभिक संघटनेच्या वतीने विविध कार्यक्रमांसाठी पुढाकार घेतला होता. यावेळी राजकीय क्षेत्रातील पदाधिकारी, कार्यकर्ते आणि नाभिक बांधवानी एकत्र येऊन श्री संत सेना महाराज यांच्या प्रतिमेचे पूजन केले. तसेच पुष्पहार अर्पण करून अभिवादन करण्यात आले.

यावेळी हवेली तालुका नाभिक संघटनेचे अध्यक्ष गोकुळ क्षिरसागर, आळंदी म्हातोबा ग्रामपंचायतीचे माजी उपसरपंच शंकरराव क्षिरसागर, बलुतेदार संघटनेचे हनुमंत बारवकर, माजी अध्यक्ष बबनराव गायकवाड, पुरोहित, केशवकाका तिथे, सचिन क्षिरसागर,दत्तात्रेय जाधव, विठ्ठल आहेरकर, गजानन क्षिरसागर, अतुल क्षिरसागर व गावातील विविध घटकातील मान्यवर मंडळी तसेच नाभिक समाजातील सर्व मान्यवर उपस्थित होते.