पुणे : दौंड तालुक्यातील देवकरवाडी येथे रविवारी अपघात झाला आहे. यावेळी चारचाकी गाडीने पाठीमागून जाऊन दुचाकीला जोरदार धडक मारल्याने या अपघातात युवकाचा जागीच मृत्यू झाला. ही घटना रविवार (ता. 12) रोजी सायंकाळच्या सुमारास घटना घडली आहे. अपघातात गणेश नंदू देवकर (रा. देवकरवाडी, वय-24) या युवकाचा जागीच मृत्यू झाला आहे.
गणेश देवकर हा युवक रविवारी सायंकाळी देवकरवाडी गावातून राहू-वाघोली रास्ता फाट्याच्या दिशेने दुचाकीवरुन जात होता. त्यावेळी साई ट्रेज कंपनी नजीक ही घटना घडली आहे. भरधाव वेगाने जाणा-या चारचाकी गाडीने पाठीमागून जोरदार धडक दिल्याने त्याचा जागीच मृत्यू झाला आहे.
या घटनेने देवकवाडी परिसरात शोककळा पसरली आहे. घटनेचा अधिक तपास यवत पोलिस करत आहेत.
