पुणे: भारतीय सैन्याने केलेल्या “ऑपरेशन सिंदुर” कारवाई नंतर दहशतवादी संघटनांकडुन देशातील महत्वाच्या स्थळावर हल्ला करण्याची शक्यता नाकारता येत नाही. त्याअनुषंगाने सुरक्षेच्या दृष्टीकोनातुन तसेच कायदा व सुव्यवस्थेच्या अनुषंगाने दहशतवादी/राष्ट्रविरोधी घटक ड्रोन, रिमोट कंट्रोल, मायक्रोलाईट, एअरक्राप्ट, पॅराग्लायडरचा वापर करुन त्यांचे हल्यामध्ये आणि त्याव्दारे महत्वाची धर्मिक स्थळे, पर्यटन स्थळे व व्हीव्हीआयपींना लक्ष्य करु शकतात. मोठ्या प्रमाणावर सार्वजनिक जीवन धोक्यात आणू शकतात. तसेच सार्वजनिक मालमत्तेची नासधुस करु शकतात, आणि पुणे शहर पोलीस आयुक्तालय क्षेत्रात कायदा व सुव्यवस्था बिघडवु शकतात. या अनुषंगाने पुणे शहर पोलीस सह आयुक्त रंजन कुमार शर्मा यांनी भारतीय नागरीक सुरक्षा संहिता 2023 चे कलम 163 प्रमाणे आदेश जारी केले आहेत.
दहशतवादी संघटनांकडून ड्रोन, रिमोट कंट्रोल, मायक्रोलाईट, एअरक्राफ्ट, पॅराग्लायडर व्दारे संभाव्य घातपात रोखण्यासाठी पुणे शहर पोलीस आयुक्तालयाकडून प्रतिबंधात्मक सक्रीय उपाय योजना करणे आवश्यक असल्याचे म्हटले आहे.
त्यामुळे भारतीय नागरीक सुरक्षा संहिता 2023 चे कलम 163, अन्वये प्रदान केलेल्या अधिकाराव्दारे ड्रोन, रिमॉट कंट्रोल, मायक्रोलाईट, एअरक्राप्ट, पॅराग्लायडर, पॅरामोटर, हॅन्डग्लायडर, हॉटएअर बलून इत्यादीच्या उड्‌डान क्रियांना पुणे शहर पोलीस आयुक्तालयाच्या कार्यक्षेत्रात प्रतिबंध करण्याचे आदेश पुणे शहर पोलीस सह आयुक्त रंजन कुमार शर्मा यांनी जारी केले आहेत. हे आदेश पुढील 30 दिवसांसाठी म्हणजे दिनांक 14/05/2025 ते 12/06/2025 रोजी पर्यंत लागू असणार आहेत. वरील आदेशांना पुणे शहर पोलीसांकडून हवाई पाळत ठेवणे किंवा पोलीस उप आयुक्त विशेष शाखा पुणे शहर यांच्या लेखी विशिष्ट परवानगीने करण्यात येणारी कारवाई अपवाद राहील.
वरील आदेशांचे उल्लघंन करणाऱ्या कोणत्याही व्यक्तीवर भारतीय न्याय सहिंता 2023 च्या कलम 223 अन्वये दंडनिय कारवाई केली जाईल.
असा आदेश पुणे शहर पोलीस सह आयुक्त रंजन कुमार शर्मा यांनी आज दिनांक 14/05/ 2025 रोजी दिला आहे.
